Bilboko Berreginen Museoa

Ekimena

Ikus-entzunezko esperientzia zoragarria da familiartean Unibertsoaz gozatzeko eta “Mitoak orbitan. El Universo a la vista” aldi baterako erakusketa berria ikusteko

“Izarretara bidaia” izenburupean kokatzen da jarduera, eta abenduaren 27an (10:00etatik 18:00etara) eta abenduaren 28an (10:00etatik 13:00etara) egingo da

Doako ekitaldi honetan parte hartzeko, ezinbestekoa da izena ematea aurretiaz, eta horretarako telefono-zenbaki honetara deitu behar da: 94 415 02 31

Adin guztietako publikoari dago zuzenduta

Bilboko Berreginen Museoak Gabonak ospatu nahi ditu eta, aurten ere, familiartean gozatzeko jarduera bat eskaini nahi du. Oraingoan, “Izarretara bidaia” izeneko ikus-entzunezko esperientzia antolatu du, “Mitoak orbitan. El Universo a la vista” aldi baterako erakusketa berria oinarri hartuta.

Mitologia, artea, eta zientziaren arteko zubi-lana egiten du erakusketak, zeinak jende guztiarentzat irisgarri jartzen baitu kosmosa. Familiarekin ikusteko erakusketa da eta, bildumako hamar piezen bidez, aztertuko dugu Antzinatasunak unibertsoari buruz gaur egun dugun ezagutzan izan duen eragina. Erakusketa 2025eko urriaren 24tik 2026ko maiatzaren 24ra bitartean egongo da zabalik, Bizkaiko erakundean.

Unibertsoan barrena bidaiatzeko, Museoak ikus-entzunezko planetarioa antolatu du 2025eko abenduaren 27an eta 28an, adin guztietako jendeak gozatu dezan konstelazio eta izarretara bidaiatzeaz, eta hori guztia Bilbotik irten beharrik gabe.

Doako jarduera da eta askotariko txandatan eskainiko da, baina aurretiaz izena eman beharra dago, 94 415 02 31 telefono-zenbakira deituz.

Abenduak 27, larunbata. Emanaldi hauetan bisitatu ahalko da planetarioa:

- 10:00 - gaztelania

- 11:00 - euskara

- 12:00 - euskara

- 16:00 - euskara

- 17:00 - euskara

- 18:00 - gaztelania

Abenduak 28, igandea. Emanaldi hauek eskainiko dira:

- 10:00 - gaztelania

- 11:00 - euskara

- 12:00 - euskara