Urriko artelana bere testuinguruan ekimenak Bilboko Berreginen Museoko aldi baterako erakusketa berria jorratuko du: “AMA”
Bizkaiko erakundeak erakusketari buruzko hitzaldi bat eskainiko du Itziar Martija komisarioaren eta Jose Pablo Arriaga euskal artistaren eskutik
Arriagaren eskulturak erakusketa horren parte dira, eta publikoak aukera izango du egileari horiei buruzko bitxikeriak galdetzeko
Hitzaldia URRIAREN 31n, osteguna, izango da, 18:00etan, Museoan bertan
Parte hartzeko, doako sarrera eskuratu beharko da Museoko webgunearen bidez: www.bilbokoberreginenmuseoa.eus
Bilboko Artelan Berreginen Museoak jarduera berezi batekin emango dio jarraipena ikasturteari: Artelana bere testuinguruan.
Hainbat urtetan zehar eskainitako hitzaldi horien bidez, Itziar Martija teknikariak publikoari ezagutzera ematen dizkio Museoko bildumaren parte diren piezak zein erakundeak aldi baterako prestatzen dituen erakusketak.
Oraingoan, beste batzuetan ez bezalako hitzaldia izango da, museoaren aldi baterako erakusketa berria den “AMA”ri buruzko bitxikeriak kontsultatzeko solasaldia egingo baita. Itziar Martijak, erakusketaren komisarioak, Jose Pablo Arriaga euskal artistaren laguntza izango du, zeinaren eskulturak erakusketaren parte baitira.
Urriko artelana bere testuinguruan: AMA
Itziar Martijak eta Jose Pablo Arriagak “AMA” erakusketa sortzeko prozesua azalduko dute, non Berreginen Museoko bildumaren atal bat, Bilboko Euskal Museoko obra batzuk eta Jose Pablo Arriaga artistaren eskulturak ikusteko aukera dagoen. Publikoaren galderetan oinarritutako formatu bat egingo da, erakusketari buruzko bitxikeriak ezagutzera emateko. Horrez gain, parte hartzaileek Arriagarekin hitz egin ahal izango dute bere obraren eta lan egiteko prozesuen inguruan, zeinak bereziki interesgarriak baitira museoari dagokionez; izan ere, Ama seriea sortzeko gutxienez, moldeak landu ditu.
Bestalde, Martija bertan izango da erakusketa antolatzeko moduari buruzko zalantzak argitzeko.
Ekimen honen bidez, Museoak berriz ere alternatiba abangoardistak eskaini nahi ditu ikasturte honetan; programazio zabala prestatu du horretarako, non hurbileko kulturan oinarritutako jarduerak gailenduko diren.
Alderdi horiek eta Berreginen Museoaren 2024-2025 programazioaren nobedade guztiekin lotutako beste kontu batzuk izango dira iraileko hitzaldian garatuko diren gaiak. Hitzordua urriaren 31n izango da, 18.00etan, Museoan bertan. Sarrera doakoa da, eta parte hartzeko nahitaezkoa izango da aldez aurretik sarrera bat eskuratzea Berreginen Museoko webgunearen bidez: www.bilbokoberreginenmuseoa.eus
Bizkaiko erakunde honek bere jarduera urtetsuenaren aldeko apustua egiten jarraitzen du. Izan ere, hamabost urte baino gehiago daramatza hilean behin erakundearen bilduma eta erakusketak gertutik aztertzen, eta dagoeneko hiriko kultur erreferenteetako batean bilakatu da.
Berreginen Museoak 2006ko azaroan ireki zituen ateak berriro, Mariaren Bihotza eliza zaharraren egoitzan, eta Bizkaiko hiriburuko zaharrenetakoa da. Duela 80 urte sortua, genero bereko museoen artean onenetakoa da, ikusgai jarritako erreprodukzioen hautaketagatik eta kalitateagatik.
“Artelana bere testuinguruan” ekimenak ez du inoiz huts egiten, eta ikuspuntu paregabea eskaintzen du Berreginen Museoaren bildumari buruz.