Ikastaroa

Toki mugatuak egongo dira (gehienez ere 25 pertsona ikasgela eta aste bakoitzeko)

Gai desberdinak landuko dira hiru asteetako bakoitzean: hiriko begiradak, grabatua eta giza gorputzaren marrazketa

Parte hartzaileek prestakuntzaren aste batean, bitan edo hirutan izena eman ahalko dute

Bilboko Berreginen Museoak artearen eta prestakuntza artistikoaren aldeko apustua egingo du aurten ere. Hori dela eta, marrazketa eta margolaritza ikastaro trinkoa eskainiko du uztailean, aurten gaitegi berriarekin gainera.

Matrikula online egin ahal izango da ekainaren 6tik 13ra bitartean (uztailaren 1era arte luzatuko da Grabatua eta Giza gorputzaren marrazketa izeneko ikastaroak egin nahi dituztenentzat) erakunde bizkaitarraren webgunean (www.bilbokoberreginenmuseoa.eus). Onartutako ikasleen behin-behineko zerrenda ekainaren 14an argitaratuko da. Onartuak izan diren ikasleek ekainaren 18tik 20ra bitartean aurkeztu beharko dute dokumentazioa (NANaren fotokopia eta ordainketaren ziurtagiria), eta matrikula formalizatu beharko dute helbide elektroniko honetan: info@bilbokoberreginenmuseoa.eus . Ekainaren 25ean argitaratuko dira behin betiko zerrendak.

Programa hiru bloketan banatuko da. Lehenengo astean, uztailaren 3tik 9ra bitartean (biak barne), hauxe izango da landuko den gaia: Hiriko begiradak. Hurrengo astean, uztailaren 10etik 16ra bitartean (biak barne), Grabatua landuko da. Azkenik, uztailaren 17tik 23ra bitartean (biak barne), Giza gorputzaren marrazketa jorratuko dugu. Halaxe amaituko da hiru asteko ikastaroa.

Ikastaro trinko honetan aukera egongo da aste bakarrean, bi astetan edo hiru asteetan parte hartzeko. Aste bakarreko prestakuntzak 160 € balioko du (murriztua 110 €). Bi astetan parte hartzeko izen-ematea egiten bada, 220 € ordaindu beharko dira (murriztua 150€). Azkenik, ikastaro osoa, hau da, hiru asteetakoa, egiteko izena emanez gero, prezioa 310 eurokoa izango da (murriztua 220 €).

Online matrikula

Ikastaroetan parte hartzeko, nahitaezkoa izango da online matrikula egitea Bilboko Berreginen Museoko webgunearen bidez (www.bilbokoberreginenmuseoa.eus). Bertan izango dituzu eskuragarri izena emateko inprimakia eta ikastaroaren oinarri osoak. Izena emateko modalitate hori aukeratu da dokumentuak in situ maneiatu behar ez izateko. Norbaitek etxean ordenagailurik ez badu, aurretiazko hitzordua eska dezake 94 679 02 55 telefono-zenbakira deituta (Museoaren ordutegian), erakundeak eskuragarri jarriko duen ordenagailu baten bidez matrikula egin ahal izateko.

Kontuan hartu ikasgela eta aste bakoitzeko ikasle kopurua gehienez ere 25 pertsonakoa izango dela.

“HIRIKO BEGIRADAK”

Uztailaren 3tik 9ra

09:30etik 13:30era

Astelehenetik ostiralera

Bilbo Handitik paseoan arituko gara, hiriko paisaia gure bidaia-koaderno propioarekin marrazteko. Urban sketching teknika hurbiletik ezagutuko dugu eta perspektiba eta konposizioa landuko ditugu.

“GRABATUA”

Uztailaren 10etik 16ra

09:30etik 13:30era

Astelehenetik ostiralera

Erliebean landutako grabatuak egiteko hastapenak eskainiko dira, eta sinatutako eta zenbakitutako edizio bat egingo da. Hutsetik hasita grabatu xilografiko bat sortzen ikasiko dugu, eta edizio propio bat sortuko dugu.

“GIZA GORPUTZAREN MARRAZKETA”

Uztailaren 17tik 23ra

09:30etik 13:30era

Astelehenetik ostiralera

Pertsonak naturalean marraztuko dira. Marraztu eta posatu egingo da, eta proportzio-kanonak ikasiko ditugu. Teknika lehorrekin lan egingo dugu, eta gizakion gorputzaren funtzionamendua ulertuko dugu, behar bezala marraztu ahal izateko.

INFORMAZIOA

Egin zure matrikula hemen: www.bilbokoberreginenmuseoa.eus