Bilboko Berreginen Museoak pintura eta marrazketa ikastaroetako matrikulak berritzeko eta matrikula berriak egiteko epea ireki du
Ikasleek, 3. hiruhilekorako matrikula berritzeko, aurrez aurre aurkeztu beharko dute ordainagiria 2022ko martxoaren 9tik 11ra bitarteko epean
Hutsik gelditzen diren tokiak betetzeko, matrikulazio berria egingo da martxoaren 16an eta 17an, online soilik, Museoaren webgunean
Pertsonako matrikula bakarra egin ahal izango da
Bilboko Berreginen Museoak pintura eta marrazketako prestakuntza eskaini zuen aurreko irailean, 2021-2022 ikasturteko ikastaroen deialdiaren baitan. Orain, hirugarren hiruhilekoa abiatzeko aste batzuk lehenago, matrikula berritzeko eta, berritzearen ondoren tokirik geldituz gero, matrikula berriak egiteko epea ireki du.
Irailetik ikastaroan parte hartzen ari diren ikasleek 2022ko martxoaren 9tik 11ra bitartean dute matrikula berritzeko epea. Aurrez aurre berritu behar dute, Museoan, ordainagiria harreran entregatuz. Prozesu hori amaitutakoan plaza hutsik balego, matrikula berriak egin ahal izango dira martxoaren 16an eta 17an.
Matrikula berriak online egin behar dira, Museoaren webgunearen bidez soilik, (www.bilbokoberreginenmuseoa.eus). Izena emanda duten ikasleek aurrez aurre entregatu behar dute berritzeko eskaria, martxoaren 9ko 10:00etatik martxoaren 11ko 19:00etara bitartean. Matrikula berriei dagokienez, online egin behar dira, martxoaren 16ko 10:00etatik 17aren 19:00etara.
Ikasturtean zehar landuko diren trebetasunek oinarri izango dituzte marrazketa modeloarekin, akuarela, olio pintura eta berniza, eta akrilikoa; halaber, hainbat alderdi ikasiko dira, hala nola marrazketa teknikak eta materialak eta sorkuntza proiektuak, baita beste formazio zentro batzuetarako –adibidez, unibertsitaterako nahiz arte eskoletarako– sarbide probak prestatu ere.
Marrazketarako zaletasuna duen edonorentzat dira egokiak ikastaro hauek, baita Arkitekturako eta Arte Ederretako ikasleentzat ere, eta hiru hiruhilekotan antolatuta daude:
Urriaren 5etik abenduaren 22ra (amaituta)
Urtarrilaren 11tik martxoaren 25era (une honetan egiten)
Martxoaren 29tik ekainaren 24ra (3. hiruhilekoa)
Txanda hauek antolatu dira:
Astearte eta ostegunetan, 10:30etik 12:30era / Asteazken eta ostiraletan, 10:30etik 12:30era
Astearte eta ostegunetan, 16:00etatik 17:50era / Asteazken eta ostiraletan, 16:00etatik 17:50era
Astearte eta asteazkenetan, 18:10etik 20:00etara
Matrikularen prezioa 95 eurokoa da hiruhileko bakarrerako, eta 185 eurokoa bi hiruhilekorako. Pentsiodunek, jubilatuek, familia ugariek, langabeek eta ikasleek 65 euro eta 130 euro ordainduko dituzte, hiruhileko bakarrerako eta bi hiruhilekorako, hurrenez hurren.
Zalantzak argitzeko, telefonoz deitu daiteke 946790255 zenbakira, edo Museoaren webgunera jo: www.bilbokoberreginenmuseoa.eus
MATRIKULA https://bit.ly/3CTt0BB