Gaurkotasuna

Berreginen Museoak eskaintzen dizkizuen jarduera eta ekitaldiei buruz informa zaitez.

Berriak

BILBAO BLACK EXPERIENCE Berreginen Museoan. Gau Irekiaren seigarren edizioak 100 gizarte eta kultura aktibitate baino gehiago eskainiko ditu egun berean San Frantzisko, Bilbo Zaharra eta Zabala auzoetan

Astelehena, 11 Abendua 2017 12:44

Bidea: Gaurkotasuna

BILBAO BLACK EXPERIENCE. Black Music & Kultura Festival 2017
    Alain Concepción & the Soul Men

16/12/2017

20.00

Berreginen Museoan

 

Sarean Elkarteak abenduaren 16an Gau Irekia gizarte eta kultura festa antolatuko du, Bilboko San
Frantzisko, Bilbo Zaharra eta Zabala auzoetan. Egun berean eta doakoak diren ehun ekintza
baino gehiago egongo dira, hainbat diziplinetakoak: kontzertuak, antzerkiak, tailerrak, esposizioak,
performance-ak, kaleko artea eta aktibismoa.


Gau Irekia 2012. urtean jaio zen, helburu ezberdinekin. Alde batetik auzo hauetan dauden erakunde,
artista eta mugimendu kultural ezberdinak indarrean jartzea , eta bestetik bertako agente guzti
horien arteko erlazioak suspertzea.


Beste jaialdi askorekin alderatuz berezitasun garrantzitsu bat dauka Gau Irekiak, programazioa modu
parte-hartzailean antolatzearena hain zuzen. “Behetik” antolatzen den ekintza da, deialdi ireki baten
bitartez, non gizartearen edozein bakarkako edo kolektibok bere aktibitatea proposatu dezaken.
Festa honek, kultura ireki, parte-hartzaile eta solidarioaren apustua egiten du. Gau Irekia, Bilbon
urtean zehar ematen den kultura herrikoiaren erakustaldirik emankorrena izan daiteke.


Jarduerak eta Nobedadeak 2017
Gau Irekiak, bere seigarren edizioan, 100 parte-hartzailetik gora bilduko ditu 50 gune baino
gehiagotan (artistak, erakundeak, zein kolektibo ezberdinak). Espazio publikoak berebiziko garrantzia
hartzen du jaialdian: Doctor Fleming, Bilbo Zaharra eta Mariaren Bihotza Plazek (azkenengo hau
jaialdiaren epizentroa), kontzertuak, antzerkia edo dantza aktibitate ugari jasoko dituzte, eguerditik,
goizaldera arte.


Gau Irekiak mota guztietako guneekin kolaboratzen du, Espazio Instituzionalak; Berreginen Museoa
edo auzoetako Udaltegiak adibidez, baina baita taberna, denda eta edozein komertziorekin. Urtero
bezala, kolektibo kultural independente asko egongo dira programan (Okela, Consonni edo Pikara
Magazine adibidez) eta gizarte izaera zehatzagoa duten auzo elkarte eta GKE-ak baita.

 

Hiru auzoak guztiz murgiltzen dira jaialdian, horregatik ekintza oso ezberdinak suertatzen dira. Gau
Irekira hurbiltzen denak, adibidez, auzoko ile-apaindegi batean aktibitate bat ikusi dezake, baina baita
modan dagoen taberna batean ere, edo normalean itxita dagoen pintore baten tailerrean.


Aurten, berebiziko garrantzia eman zaio kreazio artistikoan sortzen diren prozesuei. Jaialdian
eskaintzen diren aktibitateak laburrak eta galkorrak ematen dute, baina hilabete askotako lana eta
zaintza daramate atzean. Horregatik, artista edo talde batzuen prozesuak jarraitu ditugu, beraien
kontaketa sakon bat egin eta daukaten garrantzia azpimarratzeko.


Adibidez, auzoan bizi den aneguria rap abeslariak eta Jesús Arturo Ara kantautore eta gitarristak
elkarrekin egin dute lan hainbat saioetan, “Yo me doy el tono” abestia sortzeko. Prozesu osoa
TwoBaskos kolektiboak filmatu du, eta emaitza Gau Irekian bertan aurkeztuko da bideo labur baten
formatuan.


Gau Irekia 2017ko programazioan, aberastasun interkulturala, euskararen presentzia edo
disiziplinen aniztasuna bereizten dira.


Musika afrikarra presente egongo da, folkloretik estilo garaikidera, Yoruba & Friends, Novisi
Percusión, edo Betto Snay raperoren eskutik. Parte hartuko dute baita Madrileko Afroconciencia
kolektiboaren kide diren Yeison García López eta Lucía Mbomio, beraien liburuak aurkeztuz.


Gainera, adin guztietako publikoentzako lekua egongo da. Txikientzako ekintzak, Txaloka edo
Olentzeroaren Sekretua antzerki-lanak adibidez, eta adinekoak kontuan hartzen dituztenak baita,
Mama Crea taldeak Igurco Bilbozahar erresidentzian egingo duena esaterako.


Gau Irekia festa ere badenez, kulturaren alde ludikoa ospatzeko parada egongo da. Goizaldera arte
dantzatuko dugu Yellow Big Machine, Rrucculla, Mazmorra eta Arrakala taldeekin, edo Bilbao Black
Experience jaialdiaren kontzertuekin.


Sarean Kultur Elkartea
Sarean, auzokideen topaketarako gune bat da, kultura-adierazpen orori irekia, gizarte kohesioa eta
garapen komunitarioa indartzeko. 80. hamarkadatik auzo hauetan eman den mugimendu auzotar eta
artistikoaren emaitza delarik.


Sarean elkartearen topagunea Mariaren Bihotza Plazako bere lokala da, non azken bi urte hauetan
hasiberri duen garaian, 400 ekintza baino gehiago antolatu dira: kontzertuak, antzerkiak, tailerrak,
erakusketak, hitzaldiak, performance-ak etabar.

Etxeko txikienek sukaldari edo arkeologo izateko edota maitasunaren jainkosa ezagutzeko aukera izango dute haurrentzako Gabonetako tailerrean, Euskal Museoaren eta Berreginen Museoaren eskutik

Astelehena, 04 Abendua 2017 13:54

Bidea: Gaurkotasuna

Abenduaren 26, 27 eta 28an, bi museoak haurrentzako jardueraz bete ohi dira, eta, azkenean, jakinarazi dute zein den aurtengo sorpresa: parte-hartzaileak chef bihurtuko dira, Gabonetako euskal plater tipiko bat prestatzeko. Gainera, abentura sinestezinak biziko dituzte aurrietan indusketak eginez, eta maitasun istorioak ikasiko dituzte Afroditarekin

 

Euskal Museoak eta Bilboko Berreginen Museoak sorpresa bat zeukaten gordeta haurrentzako Gabonetako tailerrari dagokionez, eta gaur argitu dute: Gabonetako euskal plater bat prestatzea; San Frantziskoko komentu zaharreko aurriak bisitatzea eta indusketa batean parte hartzea, eta gertutik ikustea Afrodita maitasunaren jainkosa. Horiexek dira parte-hartzaileek egin ahal izango dituzten jardueretako batzuk. Programa dibertigarria da, eta asko gozatuko dute.

Tailerrari buruzko informazio guztia hemen aurki dezakezu: http://bit.ly/2moBtJx eta http://bit.ly/2zCbe7z

 

Oinarrizko informazioa

Haurrentzako Gabonetako tailerra

Eguna: 2017ko abenduaren 26, 27 eta 28a

Ordua: 10:00etatik 13:30era

Lekua: Euskal Museoa/Berreginen Museoa/San Frantziskoko komentuaren aurriak

Prezioa: 3 € eguneko, haur bakoitzak

Aurrez eman behar da izena: 94 415 54 23

Igandea dantzarako da! Swinga Bilboko Berreginen Museoaz jabetu da zuzeneko musikarekin (Abenduaren 10ean)

Astelehena, 04 Abendua 2017 10:10

Bidea: Gaurkotasuna

Abenduaren 10ean, Bilboko erakundeak berriz ere antolatuko du Swing Museoan! arrakastatsua, dantzaz eta CRAZY JAZZERS taldearen zuzeneko musikaz gozatu ahal izateko, artelanez inguratuta 

 

Duela zenbait hilabete, inork ez zuen pentsatuko Bilboko Berreginen Museoak eta Swing Side Bilbao elkarteak sortutako ekimenak hainbesteko arrakasta izango zuenik. Orain, Swing Museoan! hiriko plan izarretako bat izatera heldu da. Jarduera hau doakoa da, eta hileko bigarren igandean egiten da, 11:30etik 13:30era. Horri esker, bertaratutakoek dantzaz eta kasu honetan Crazy Jazzers taldearen zuzeneko musikaz goza dezakete, inguru paregabean. Museoko eskulturek parte-hartzaileen Swing-urrats guztiak zaintzen dituzte (musika-genero hori Estatu Batuetan sortu zen, 1920ko amaieran). Bilboko Berreginen Museoa Mariaren Bihotza elizan dago, eta dantzariak bertan aritzen dira, ekimen honen inguruan.

Nahiz eta XX. mendearen hasieran duen jatorria, swingetik datozen dantzek erabateko gaurkotasuna dute.Ez da dantza bat soilik; izan ere, atzean komunitate eta osagai sozial zabala dago, eta, bertan, jendea musikaren eta dantzaren bidez partekatzen eta komunikatzen da.

Swing Museoan! egitasmoa swing musika dantzatzeko eta sustatzeko gauzatu da, baina baita dantza bere habitatetik eta testuingurutik ateratzeko ere. Kalean jarri nahi da, edota, kasu honetan bezala, museoan; eta, hortaz, pertsonak, artea, musika eta dantza elkartzeko eremu komuna aurkitu.

The Sunday Market CHRISTMAS TIME abenduaren 8an eta 9an

Ostirala, 01 Abendua 2017 10:37

Bidea: Gaurkotasuna

TheSundayMarket  CHRISTMAS TIME abenduaren 8an eta 9an MARIAREN BIHOTZA PLAZAN

 

Hemen duzue ekimenaren antolatzaileak emandako informazioa, non kolaboratzaile garen:

Oraingo Sunday Market edizioan Bilboko historian zehar iraganera bidaia egingo dugu. Gauza kuttunen azoka Mariaren Bihotza Plazara eramaten dugu. San Francisco auzoan (Bilbao La Vieja), oso modan dagoena, hiriko inguru bohemioenean denda eta ostalaritzaren kalitatearekin harrituko zera.

 

Eta plazaren azpian, Euskadiko altxor arkeologiko (2000m) hirilur garrantzitsuenetariko bat  oso ezaguna ez dena. XV. mendean San Franntzisko Komentua zena eta geroago  On Alfontso Printzearen kuartela. Metro gutxitara Berreginen Museoa egun hauetan irekita egongo delarik.

 

 

Edizio honetan, 20 erakusketari baino gehiago, diseinatzaile euskaldunak eta bertoko produktugileak eta ikus daitezkeen produktu eta pieza asko ezin dira beste inon aurkitu. Kalean berriz, plazan,  foodtruckak bertoko eta janari internazional dastatzeko aukera.  Esperientzia ezin hobea kulturaz, erosketetaz eta aisialdiataz gozatzeko.

 

Gabonetako opari esklusiboenak, betaurrekoak, bitxiak, eskuz egindako arraopak, , diseinua, produktu gastronomikoak eta askoz gehiago. Eta musikarik onena giroa eta festa gogoa alaitzeko DJs Mimoloco eta Feten-en eskutik. 

 

 Abenduaren 8an eta 9an

Ordutegia: 12:00etatik 20:00etara

TOKIA: Mariaren Bihotza Plaza  , Frantziskotarren Komentua zena.

SARRERA: €1

BERTAN BEHERA. Hizlariaren arazo pertsonalak medio, gaur arratsaldeko konferentzia bertan behera geratu da. Barkatu eragozpenak

Osteguna, 30 Azaroa 2017 10:38

Bidea: Gaurkotasuna

BERTAN BEHERA. Hizlariaren arazo pertsonalak medio, gaur arratsaldeko konferentzia bertan behera geratu da. Barkatu eragozpenak

Botticelliren Venusen jaiotza izango da protagonista, ostegun honetan, Bilboko Berreginen Museoko «Artelana bere testuinguruan» hitzaldi zikloaren barnean

Erakundeak antolatu ohi dituen hitzaldi arrakastatsu horietan, Errenazimenduko margo garrantzitsuena den koadroa hartuko da hizpide oraingoan. Hitzaldi eta bisita baten bidez aztertuko dira koadroko erreferentzia artistiko eta historikoak (osteguna, azaroak 30, 18:00etan).

GALDEKETAUN lehiaketa

Azteazkena, 29 Azaroa 2017 12:41

Bidea: Gaurkotasuna

GABONETAN ABIATUKO DA GALDEKETAUN LEHIAKETAREN IV. EDIZIOA, GAZTE BILBOTARREK EUSKARAZ JOLASTU ETA IKASTEKO AUKERA IZAN DEZATEN APLIKAZIO DIBERTIGARRI BATEN BIDEZ

 

  • Galdeketaun” 12-17 urteko gazteentzat da, etaBilboko Udaleko Euskara eta Hezkuntza Sailak sustatutako ekimena da, Nontzeberri.com atari kulturalaren laguntzarekin.
  • Aurtengo edizioan Bilboko Itsasadarra Itsas Museoaren, Euskal Museoaren eta Artelan Berreginen Museoaren kolaborazioa izan du jolasak, Bilboko eta Bizkaiko kulturari, historiari eta itsasadarrari buruzko itaunak proposatu baitituzte.
  • Test motako formatua du eta puntuazio altuena lortzen duena sarituko da, baina horrez gain, bestelako sariak ere zozkatuko dira parte-hartzeagatik eta lehenengo hamarren artean geratzeagatik.
  • Lehiaketa abenduaren 1etik urtarrilaren 31ra egingo da.
  • Lehiaketari buruzko informazioa guztia eta APP-a deskargatzeko esteka webgunean aurkitu daiteke.

 

Gabonekin batera, aurten ere hemen dugu gazteentzako Galdeketaun programa.Abenduaren 1etik urtarrilaren 31ra bitartean, 12-17 urteko gazte bilbotarrek Galdeketaun aplikazioa jaitsi ahal izango dute euren eskuko telefonoetan, haren bidez euskaraz jardun eta jolas dezaten.

 

Bilboko Udalak, Nontzeberri.com kulturaren atariaren laguntzarekin, aplikazio mugikorraren formatua duen “Galdeketaun” lehiaketaren laugarren edizioa jarriko du abian, 12 eta 17 urte bitarteko gazte bilbotarrentzat.

Ekimen horren bitartez, Bilboko Udaleko Euskara eta Hezkuntza Sailak euskarazko tresnak baliatu nahi ditu adin-tarte horretako gazteekin, euskara hizkuntza ludiko moduan eta jakintzarako erabil dezaten.

Ausazko zenbait itaunek osatzen dute lehiaketa, eta bertan kultura, kirola, artea, geografia, Bilbo bera, Bizkaia eta Athletic-en inguruko galderak izango dira, besteak beste. Test motako itaunak dira, hau da, galdera eta erantzuna dutenak. Parte-hartzaileak ahalik eta punturik gehien lortu behar du denbora jakin batean.

Zenbat-nahi aldiz olgetako aukera ematen du hilabete bi iraungo duen lehiaketak, abenduaren 1etik urtarrilaren 31ra. Puntuazio altuena lortzen duena sarituko da, baina horrez gain, bestelako  sariak ere zozkatuko dira bertan parte hartzeagatik eta baita lehenengo hamarren artean geratzeagatik ere. Hortaz, edonor izan daiteke saridun.

Iazko edizioan Bilboko Itsasadarra Itsas Museoak bat egin zuen ekimenarekin. Aurten ere bai. Hain zuzen ere, itsasadarrari, kostaldeari eta uriko itsas-kulturari buruzko galderak proposatu ditu. Euskal Museoa eta Artelan Berreginen Museoa aurten batu dira ekimenera, Bilboko eta Bizkaiko historiarekin, eskulturarekin, pinturarekin, geografiarekin, azken batean, gure kulturarekin, lotutako itaunak eginez.

Aurten aurreko edizioetako galderak kendu eta ehunka itaun berri eta zail sartu dira, horietako asko hiru museoen ekarpenari esker. Jolasak denbora-pasa sustatzen du, eta zenbat-nahi aldiz jolas daiteke, euskaraz jardunez euskal kultura ikasteko.

 

ZELAN PARTE HARTU

 

Jokoa “Google Play Store”tik jaitsi behar da eskuko gailuetara. Lehiatzen hasi aurretik, parte-hartzaileek erabiltzaile-izena eta bestelako datu batzuk adierazi behar dituzte erregistratzeko. Telefono-zenbakia erabiltzailearen izenari lotua izango da, eta hortaz, ezingo dute jolastu erabiltzaile batek baino gehiagok telefono-zenbaki berberarekin.

Joan den urtean, berrehun bat jokalari ibili ziren norgehiagoka, baina harrigarriagoa da 10.000 bider baino gehiago jolastu zutela.

Datu pozgarri horrek adierazten du euskara jolaserako hizkuntza erraz eta arrunta dela gazte bilbotarrentzat, eta era berean, APP hau oso erakargarri bilakatu eta dinamikoa dela, euskaraz jolasteaz gain, kultura eskuratzeko aukera ere ematen duelako. Aurtengo erronka 200 jokalari eta 10.000 partida baino gehiago lortzea izango da.

Lehiaketari buruzko informazioa guztia eta APP-a deskargatzeko esteka www.galdeketaun.eus  webgunean aurkitu daiteke.

Botticelliren Venusen jaiotza izango da protagonista, ostegun honetan, Bilboko Berreginen Museoko «Artelana bere testuinguruan» hitzaldi zikloaren barnean

Ostirala, 24 Azaroa 2017 09:46

Bidea: Gaurkotasuna

Erakundeak antolatu ohi dituen hitzaldi arrakastatsu horietan, Errenazimenduko margo garrantzitsuena den koadroa hartuko da hizpide oraingoan. Hitzaldi eta bisita baten bidez aztertuko dira koadroko erreferentzia artistiko eta historikoak (osteguna, azaroak 30, 18:00etan).

 

Ostegun honetan, hilak 30, obra oso berezi bat izango da mintzagai: Botticelliren Venusen jaiotza. Horrelako jarduerei esker, hobeto ezagut daitezke Bilboko Berreginen Museoaren bildumako zenbait pieza edo espazio. Era berean, Bilboko Udala eta Bizkaiko Foru Aldundia aipatu behar ditugu; izan ere, museoaren babesleak dira, eta museoaren proiektu guztiak babesten dituzte. Hitzaldiak 18:00etan hasiko dira eta doakoak dira.

Oraingo honetan, Itziar Martija Museoko teknikariak hitz egingo du aipatutako obrari buruz. Zalantzarik gabe, Errenazimentuko koadrorik famatuena da, baita, seguru asko, Artearen Historia osokoa ere. Botticellik gai mitologiko hau karrera artistikoko mailarik gorenean zegoela margotu zuen, eta inspirazio iturri izan zituen Florentziako Neoplatonismo giroko ideia humanistikoak.

Obra nork eskatu zion seguru ez badakigu ere, badirudi Lorenzo di Pierfrancescoren (Lorentzo Medicikoaren lehengusua) enkargu bat izan zela, landa inguruko bizitoki batean jartzeko. Argitu gabeko beste kontu bat hau da: ez dakigu nor izan zen Venusen figura egiteko eredu gisa hartu zuen emakumea, nahiz eta Simonetta Cattaneo Vespucci dela pentsatu nahi izan den. Genovako emakume gazte hori, Marco Vespucciren emaztea, Botticelliren modelo eta musa izateaz gainera, Giulio Medicikoaren, hau da, Lorentzo Medicikoaren anaiaren maitasun platonikoa izan zen.

Haren omenez, Giulianok lehiaketa bat antolatu zuen 1475ean. Lehiaketa horretarako idatzi zuen Angelo Poliziano poetak obra poetiko bat, eta, dirudienez, Botticelliren inspirazio iturri izan zen, Venusen jaiotzaren eszena irudikatzeko orduan.

Hitzaldi entretenigarri baten bidez, lan horren xehetasun guztiak ezagutu ahal izango dituzte bertaratutakoek.

Hitzaldiaz gainera bisita bat egongo da, eta aukera egongo da koadroa zuzenean ikusteko. Museoaren alderdi kulturala eta pedagogikoa indartzen dituen ziklo hau jada erreferente bat da programazioan. Bilboko Berreginen Museoa, 2006ko azaroan ireki zen gaur egungo eraikinean, hain zuzen, Mariaren Bihotza, Bilboko elizarik zaharrenetako bat, zegoen lekuan. Duela 80 urte sortu zen, eta mota horretako museorik onenetako bat da, ikusgai dauden erreprodukzioen aukeraketa eta kalitatea dela-eta.

 

«ARTELANA BERE TESTUINGURUAN» ZIKLOA

•           Eguna: 2017ko azaroak 30, osteguna.

•           Ordua: 18:00etan.

•           Lekua: Bilboko Berreginen Museoa.

•           Sarrera librea; aurrez erreserbatzeko beharrik ez.

 

Museoaren ordutegia:

•           Asteartetik larunbatera: 10:00etatik 13:30era eta 16:00etatik 19:00etara

•           Igandeak: 10:00etatik 14:00etara

•           Itxita: astelehenak eta jaiegunak.

Bihotza Sarien emanaldi ekitaldia azaroaren 24an, ostirala, eguerdiko 13,00etan Bilboko Berreginen Museoan ospatuko da

Azteazkena, 22 Azaroa 2017 13:16

Bidea: Gaurkotasuna

Bihotza Sarien emanaldi ekitaldia azaroaren 24an, ostirala, eguerdiko 13,00etan Bilboko Berreginen Museoan ospatuko da. Etorri nahi baduzu, eskatu zure gonbidapena: 94 679 33 79 / E-mail hau spam roboten kontra babestuta dago. JavaScript aktibatuta izatea behar duzu hau ikusteko.

 

Bihotza Sariak ´17:

Bihotza parte-hartzea: FAIR SATURDAY

Bihotza enplegua eta prestakuntza: PEÑASCAL KOOPERATIVA

Bihotza berdintasuna: MURGIBE

Bihotza kultura: ZINEBI

Bihotza merkataritza: PASTELERÍA DON MANUEL

Bihotza komunikazioa: DEIA

Bihotza Bizkaia ibilbidea: JAVIER VIAR

Bihotza Bizkaia ibilbidea: JON ORTUZAR

 

Antolatuz: BILBAOHISTORIKO

Artista zara eta zure obrak saldu nahi dituzu? Berreginen Museoak horretarako aukera emango dizu Art Market Solidarioan

Asteartea, 21 Azaroa 2017 13:11

Bidea: Gaurkotasuna

Abenduaren 15ean eta 16an, Bizkaiko instituzio honetan, FAS –  Arte Solidarioaren jaialdiaren II. edizioa izango da.Artistek ez dute ezer ordaindu behar izango standak jartzeagatik, eta salmenten %25 gizarte-helburuak dituen Bilbo Zaharreko erakunde bati emango zaio.Parte hartzeko, bidali curriculum txiki bat, PDFan, eta egun horietan ikusgai jarriko dituzun obren 3 adibide.Azkar ibili; izan ere, izena emateko epea azaroaren 30ean bukatuko da!

 

Oso gutxi falta da Bilboko Berreginen Museoak Art Market Solidarioa antolatzeko. Bertan, nahi duten artistek beren obrak saltzeko aukera izango dute, ongintzazko helburuekin.Horrela, abenduaren 15ean (ostirala, 16:00etatik 21:00etara) eta 16an (larunbata, 10:00etatik 17:00etara), FAS – Arte Solidarioaren jaialdiaren II. edizioa itzuliko da museora, eta saldutako obrengatik lortutako zenbatekoaren %25 Bilbo Zaharreko erakunde bati emango zaio. 

Izena emateko, CVa (PDFan) eta jaialdira eramango diren obren 3 adibide bidali beharko dira hurrengo helbide elektronikora: E-mail hau spam roboten kontra babestuta dago. JavaScript aktibatuta izatea behar duzu hau ikusteko. .Standa doakoa izango da, eta azaroaren 30a izango da izena emateko azken eguna. Aukeratutakoei abenduaren 3an jakinaraziko zaie.Xehetasun guztiak Berreginen Museoaren webgunean aurkituko dituzu, Gaurkotasuna atalean (www.bilbokoberreginenmuseoa.eus).

Arte solidarioko azoka txiki honek artista ugari bildu nahi ditu, ahalik eta pertsona gehieni laguntzeko.Horrela, artista bazara eta jaialdi berezi honetan obrak saldu nahi badituzu, azkar ibili, eta eman izena; izan ere, plazak azkar beteko dira.

 

OINARRIAK

- FAS arte azoka solidarioaren 2. edizioa abenduaren 15ean ostirala eta 16an larunbata garatuko da, Bilboko Berreginen Museoan | San Francisco kalea, 14.

- Kulturarekin lotuta dagoen ekitaldia da hau, bi oinarri nagusi dituelarik:

     – Artistei haien lanak erakutsi eta saltzeko espazioa eskaini.

     – Irabazi-asmorik ez duen San Francisco auzoko elkarte bateri lortutakoaren %25a bideratu.

– FAS festibalak San Francisco auzoan egiten den gau irekiarekin kointziditzen du, honegatik mota ezberdinetako zenbait ekintza artistiko zein musikalak egingo dira.

– Parte hartzea interesatzen zaion edonoreri dago zabaldua.

 

Zelan parte hartu

- Izen-ematea: 2017ko azaroaren 15etik azaroaren 30era.

- Pdf batean erakutsiko diren artelanen 3 adibide eta curriculum bat bidali

E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera.

- Hautatuen zerrenda abenduaren 3an argitartu eta bidaliko da posta elektroniko bidez.

- Postuak dohainikoak dira.

- Lortutakoaren %25a San Francisco auzoko irabazi-asmorik ez duen elkarte bateri emango zaio

- Artelanen prezio gorenak 150/200 eurotik gorakoak ez izatea aholkatzen da.

 

Muntaia

- Muntaia baino egun batzuk arinago, abenduaren 15ean muntaia zelan burutuko den esango zaie partaideei.

- Ezintasuna aurretik jakinarazi ezean, partaide bakoitzak bere artelanak jartzeko mahaia ekarri beharko du.

- Postu bakoitzaren desmuntaia abenduaren 16an burutuko da, arratzaldeko 17.00etan.

Edozein galdera edo zalantzarako E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera idatzi.

 

Ekitaldiari buruzko informazioa

•           Data:2017ko abenduaren 15a, ostirala, eta 16a, larunbata

•           Ordua:abenduak 15 (ostirala), 16:00etatik 21:00etara, eta abenduak 16 (larunbata), 10:00etatik 17:00etara.

•           Lekua:Bilboko Berreginen Museoa (San Frantzisko kalea 14)

•           Derrigorrezkoa da izena aldez aurretik ematea

Bilboko Berreginen Museoak 11 urte beteko ditu Bilbo Zaharrean, kandelekin soilik argiztatuta

Osteguna, 16 Azaroa 2017 14:54

Bidea: Gaurkotasuna

Bisita berezi hau azaroaren 21ean izango da, 18:00etan. Afrodita jainkosaren hainbat alderdi ikusi ahal izango dira, argiztapen ez-ohiko baten pean.Aldez aurretik egin beharko da erreserba, 94 415 31 78 telefono zenbakian

 

 2006ko azaroaren 21ean, Bilboko Berreginen Museoa ireki zen Mariaren Bihotzaren elizan, Bizkaiko Foru Aldundiaren eta Bilboko Udalaren babesari esker.11 urte geroago, Bilboko erakundea nabarmendu egin da, daukan jardun bizia dela-eta.Eskultura klasikoen kopiek osatutako erakusketa iraunkorra, aldi baterako erakusketak, Swing Museoan! eta Obra bere testuinguruan jarduera arrakastatsuak... Horiei esker, Berreginen Museoa kultur erreferentziako tokia bihurtu da.Espazio horretan, alderdi klasikoak (erakundearen ordezkari) bat egin du inguruko kultura aniztasunarekin, hainbat alorretan elkarrekin lan egitea sustatuta.

Auzoan eman dituen 11 urteak ospatzeko, Berreginen Museoak bisita berezia antolatu du, ‘kandelen argipean’.Hitzordua datorren asteartean izango da, azaroaren 21ean, 18:00etan, eta aukera emango digu Afrodita. Caos. Desioa. Sexo. Amodioa? aldi baterako erakusketan dauden maitasunaren jainkosak ezagutzeko, kandelekin soilik argiztatuta.Jainkosak eragindako pasioei buruzko testu klasikoen irakurketekin tartekatuko dira piezak, Itziar Martijaren eskutik.Istorio mitologiko sutsuak kontatuko dira, non jainkosak sorrarazitako desioa protagonista den, adibidez, jainkosaren jaiotza kontatzen duen ereserki homerikoa.

Parte hartzeko, beharrezkoa izango da aldez aurretik izena ematea, 94 415 02 31 telefono zenbakira deituta. Berreginen Museoak, jarduera honen bitartez, eskerrak eman nahi dizkie azken 11 urte hauetan zentrotik pasatu diren pertsona guztiei.Museoaren berezko erakusketa eta jarduerez gain, ehunka jarduera antolatzen dira bertan; horietariko askok lotura estua dute erakundearen kokalekua den auzoko bizitzarekin.Era berean, San Frantziskon eta Bilbo Zaharrean antolatutako kultur lehiaketa gehienen egoitza izan da museoa: Bilbo Zaharra, kulturarako zubia (ekimen horretako jarduerarik jendetsuena Tattoo Adicts izan zen), BAD, MEM Zinegoak eta Fair Saturday, adibidez.

Bestalde, ekitaldiak hartzeko espazio gisa, Museoak askotariko ekimenak hartu ditu: liburuen aurkezpenak, moda desfileak, zinema grabaketak, pintxoen aurkezpenak, hitzaldiak eta abar.

Oraingoan, kandelen argipean gozatuko dugu pastelaz.

 

‘Kandelen argipean’ bisitaren fitxa teknikoa:

Eguna:azaroak 21

Ordua:18:00

Lekua:Bilboko Berreginen Museoa

Prezioa:Dohainik

Aurretiazko inskripzioa: 94 415 02 31

FacebookTwitterDiggDeliciousGoogle BookmarksRedditLinkedinRSS FeedPinterest