Gaurkotasuna

Berreginen Museoak eskaintzen dizkizuen jarduera eta ekitaldiei buruz informa zaitez.

Berriak

Ikasle hauek museo bat merezi dute

Asteartea, 21 Ekaina 2016 10:48

Bidea: Gaurkotasuna

Oso arrakastatsua izan da Bilboko Berreginen Museoan ikusgai jarri den marrazketa ikastaroko ikasleen lanen erakusketaren  inaugurazioa

 

Ia ehun pertsona bertaratu ziren Bilboko Berreginen Museora, joan den ekainaren 16an.Horren zergatia, oso inaugurazio garrantzitsua:museoko ikasleen erakusketa.Estreinaldi guztietan gertatzen den bezala, jendea urduri zegoen, baina dena primeran atera zen.Publikoa oso pozik geratu zen ikusgai jarritako lan koloretsu eta adierazkorrekin, eta artistak, berriz, egindako lanaz harro agertu ziren.

 

Erakusketa uztailaren 18ra arte egongo da ikusgai museoan.Aukera paregabea, marrazketaren zaleek ikasturte osoan egindako artelanez gozatzeko.Esfortzu pertsonalaren emaitza dira, gogo biziz eginak, eta pinturaren mundutik bidaian eramango gaituzte, ingurune paregabean.

 

Ekitaldia amaitzeko, oturuntza eta topa egin ziren, ikasleen esfortzuari omenaldia egiteko.

Bilboko Berreginen Museoak Marrazki eta Pintura Ikastaroko ikasleek egindako margolanak jarriko ditu ikusgai

Ostirala, 17 Ekaina 2016 09:12

Bidea: Gaurkotasuna > Ekitaldiak

Bilboko Udaleko Kultura eta Hezkuntza Sailaren eta Bizkaiko Foru Aldundiaren menpeko Bilboko Berreginen Museoak 2015-2016 ikasturtean Marrazki eta Pinturako eskoletan parte hartu duten ikasleek egindako 90 artelan inguru aurkeztuko ditu Museoan.

 

Museoak urtero eskaintzen duen ikastaroko ardatzak marrazkia eta pintura dira; izan ere, ikaskuntza artistikoan interesa dutenei eskainitako ikastaroa da. Ikastaroak teknika artistiko anitzetan sakontzeko aukera eskaintzen die ikasleei: mihiztadura eta proportzioko tekniketatik hasi, apunte azkar eta marrazki naturalera igaro, eta akuarelarekin edo akrilikoarekin amaitzeko. Horiek ikusteko aukera egongo da Berreginen Museoko lehenengo solairuan, uztailera arte.

 

Uztailaren 18ra arte egongo da irekita jendearentzat, Museoaren ohiko ordutegian.

MANUEL BALSA “ERRUSIARRA" AIRE LIBREKO AKUARELA LEHIAKETAN AURKEZTUTAKO LANEN KALITATE HANDIA NABARMENDU DA

Azteazkena, 15 Ekaina 2016 11:55

Bidea: Gaurkotasuna

Ekainaren 4an, larunbatean, Manuel Balsa “Errusiarra” aire libreko VIII. Akuarela Lehiaketa egin zen, eta parte-hartzaileek kalitate tekniko handia erakutsi zuten aurkeztutako lanetan.

 

Epaimahaiko burua Sorkunde Aiarza andrea izan zen, Beatriz Aparicio andrearekin eta José Luis López Pérez jaunarekin batera, eta Saioa Barrenetxea andreak idazkari lanak egin zituen; horien artean, lau obra hautatu ziren lehiaketan parte hartu zuten 19 koadroetatik.

 

Honakoak dira saritutakoen izenak eta horiei dagokien zenbatekoak:

• Lehenengo Saria, 1.000 €                                                       Carlos Espigarentzat

• Bigarren Saria, 500 €                                                  Leticia Gasparentzat

• Hirugarren Saria, 250 €                                                          José Luis Pérezentzat

• Laugarren Saria, pinturako materiala erosteko 90 euroko bonua,Ana Basarterentzat

Adingabekoentzako sari berezia, pinturako materiala erosteko 90 euroko bonua, Adriana Martinezentzat.

 

Bilbo Zaharreko eta San Frantzisko auzoko hiri-paisaia izan ziren konposiziorako inspirazio-iturriak, eta ez zuten huts egin, artistek bertan erakutsi baitzuten beren balioa, daukaten gaitasuna aske utziz.

Bilboko Berreginen Museoa dantza-pista handi bilakatuko da (ekainaren 12an)

Osteguna, 09 Ekaina 2016 08:53

Bidea: Gaurkotasuna > Ekitaldiak

Datorren igandean, ekainaren 12an, eskulturen artean Swing jardunaldi batez gozatzeko aukera izango da.

 

Berreginen Museoa eta Bilboko Swing Side konpainia arduratuko dira erritmoa Bilbora ekartzeaz asteburu honetan. Museoa hartzen duen Mariaren Bihotza Eliza Swinga (1920. hamarkadaren amaieran Estatu Batuetan sortutako musika-generoa da) nagusi izango den gunea bilakatuko da, eta bertako lanek musika-akordeak eta dantzarien urratsak zainduko dituzte. Bertaratutako guztiek Swing Museoan! egitasmoaz gozatzeko aukera izango dute, 11:30etik 13:30era. Doako jarduera izango da, eta hilean behin errepikatuko da.

 

Nahiz eta XX. mendearen hasieran duen jatorria, swingetik datozen dantzek erabateko gaurkotasuna dute. Ez da dantza bat soilik; izan ere, atzean komunitate eta osagai sozial zabala dago, eta, bertan, jendea musikaren eta dantzaren bidez partekatzen eta komunikatzen da.

 

Swing Museoan! egitasmoa swing musika dantzatzeko eta sustatzeko gauzatu da, baina baita dantza bere habitatetik eta testuingurutik ateratzeko ere. Kalean jarri nahi da, edota, kasu honetan bezala, museoan; eta, hortaz, pertsonak, artea, musika eta dantza elkartzeko eremu komuna aurkitu.

 

Sarrera: Doan

Ostegun honetan, Venus makurtua izango da Bilboko Berreginen Museoko “Artelana bere testuinguruan” zikloko denboraldiko azken hitzaldiko protagonista

Astelehena, 16 Maiatza 2016 09:34

Bidea: Gaurkotasuna > Ekitaldiak

Ostegun honetan, hilaren 19an, Venus makurtua izango da denboraldiko azken hitzaldiko protagonista.Mota honetako jarduerei esker, Bilboko Berreginen Museoko bilduman dauden piezak hobeto ezagutzeko aukera daukagu.Era berean, Bilboko Udala eta Bizkaiko Foru Aldundia nabarmendu behar ditugu, beraiek baitira museoko patronoak, eta, hortaz, museoak gauzatutako proiektu guztiei emandako babesa eskertu nahi diegu.

 

Hitzaldiaren hasieran, Venus makurtua gugana oso formatu anitzetan nola iritsi den azalduko da –marmolezko estatuak, terrakotak, brontze txikiak, harribitxiak, txanponak…–; horietako gehienak garai erromatarrekoak dira, eta horrek erakusten digu antzinako erromatarrek gustuko zuten gaia zela.

 

Nahiz eta irudia kopia ugariren bidez ezagutzen dugun, jatorrizko ereduaren alderdi askok misteriotsuak izaten jarraitzen dute.Jatorrizko eskultura egiteko erabili zen materialaren inguruko eztabaidak irekita jarraitzen du, bai eta pose zehatzari, jarrerari eta egileari buruzkoak ere.Ikerketa gehienen arabera, jatorrizko pieza Doidalsas izeneko eskultore bitiniarrarena da, eta hori Plinio Zaharraren Historia Naturalaren zati batetik ondorioztatu da.

 

Galdera horien erantzuna zeinahi dela ere, Afroditaren pose helenistiko berria Praxítelesek K.a. IV. mendean egindako modelotik datorrela dirudi, hain zuzen ere, Afrodita Cnidia ospetsutik.Jainkosaren errepresentazio biluziari ateak irekitzeaz gain, bainuaren gaia ere gehitu zuen.Horrela, garai helenistikoan, Praxítelesen ekarpenak eta bainua hartu aurretik biluzik eta makurtuta ageri ziren hainbat emakumezko dibinitate irudikatzeko K.a. V. mendetik aurrerako ohitura piktoriko greziarra konbinatu ziren.

 

Hitzaldian, gaur egun dauden Afrodita makurtua delakoaren kopiez ere hitz egingo da –-40 baino gehiago–; horiek bi taldetan sailkatu daitezke, formaren zein jatorrizko eredu hipotetikoa irudikatzeko erabilitako leialtasunaren arabera: lehenengo taldekoek leialki jarraitzen dute Doidalsasen Afrodita izenpean ezagutu ohi diren jatorrizkoaren konposizioa, eta bigarren taldekoak, aldiz, Rodasko Afroditatik abiatzen dira, uretatik atera ondoren jainkosak ilea lehortzen duen unean.

 

“ARTELANA BERE TESTUINGURUAN” ZIKLOA

•           Eguna: osteguna, maiatza 19

•           Ordua: 18:00.

            Lekua: Conde Mirasol, 2

•           Sarrera librea, aldez aurretik erreserbatu gabe.

 

Museoaren ordutegia:

•           Asteartetik larunbatera, 10:00etatik 13:30era eta 16:00etatik 19:00etara.

•           Igandeetan: 10:00etatik 14:00etara.

•           Itxita astelehen eta jaiegunetan.

KANPOKO AKUARELA MANUEL BALSA “EL RUSO” VIII. LEHIAKETA ARAUTZEKO OINARRIAK

Ostirala, 13 Maiatza 2016 13:49

Bidea: Gaurkotasuna

1.-PARTE-HARTZAILEAK:

Interesa duten guztiek, umeek eta nagusiek parte hartu ahal izango dute.

 

2.- IZENA EMATEA

Ekainak 1etik 3ra, biak barne, izena eman daiteke Bilboko Berreginen Museoan, Mirasol Kondearen kalea, 2an duen helbidean, asteartetik ostiralera, 10:00etatik 13:30era eta 16:00etatik 20:00etara edota San Frantzisko kalea 14an duen helbidean, asteartetik larunbatera, 10:00etatik 13:30era, eta 16:00etatik 19:00etara.

Era berean, antolatzaileek aukera emango dute lehiaketaren egunean bertan izena emateko, Bilboko Berreginen Museoan, San Frantzisko kaleko 14an duen helbidean, 8:30etik 10:00etara.

Artista bakoitzari egiaztagarria emango zaio, eta lehiaketaren egunean aurkeztu beharko du.

Ez da izen-ematerik onartuko ezarritako epetik kanpo.

 

3. LEHIAKETA

Lehiaketa 2016ko ekainaren 4an egingo da, eguraldiak ezinezko ez badu egiten behintzat. Artistek euren artelana egiteko behar duten material guztia ekarri beharko dute, baita astoa ere, epaimahaikideek artelana ikusi eta baloratu dezaten. Parte-hartzaileek artelana egin bitartean sortzen dituzten hondakinak jaso beharko dituzte.

 

4. ZIGILATZEA, FORMATUA E IDENTIFIKAZIOA

Euskarriaren mihisea edo taula zuri kolorekoa izango da, bastidorearen gainean. Euskarria 8:30etik 10:00etara zigilatuko da, Bilboko Berreginen Museoan: San Frantzisko kalea, 14. Izena eman duten momentua gorabehera, parte-hartzaile guzti-guztiek euskarria zigilatu beharko dute adierazitako lekuan eta ordutegiaren barruan.

Aldeek gutxienez 50 cm izen beharko dituzte, eta gehienez 116 cm.

Egile bakoitzak artelan bakarra aurkeztu dezake.

 

5.- GAIA

Gaia Bilbo Zaharreko eta San Frantziskoko hiri paisaia izango da: eraikuntzak, plazak, parkeak, bazterrak… Erabili behar izango den teknika akuarela da.

 

6.- ARTELANAK JASOTZEA

Artelanak 13:00etatik 13:30era jasoko dira. Euskarria zigilatzearekin batera adieraziko zaio artistari artelana zer lekutan eman behar duen. Artelana sinatu gabe aurkeztuko da. Baztertu egingo dira atal hau betetzen ez duten artelanak.

Aukeratu edo saritu ez diren artelanak lehiaketaren egunean bertan jasoko dira: 14:00etik 14:30era, epaimahaikideek ebazpena eman duten lekuan.

 

7.- EPAIMAHAIAREN AKTA IRAKURTZEA

Epaimahaiaren Akta Bilboko Berreginen Museoan irakurriko da 14:00ean, lehiaketaren egunean bertan.

 

8.- EPAIMAHAIA

Epaimahaia osatuko dute: Museoko arduraduna, lehendakari-lana egingo duenak, eta arte plastikoetako aditu bi.

 

9.- SARIAK

-         Manuel Balsa “El Ruso” 1. saria: 1.000 euro

-         Manuel Balsa “El Ruso” 2. saria: 500 euro

-         Manuel Balsa “El Ruso” 3. saria: 250

-         Umeentzako sari berezia

-         Berreginen Museoko marrazketa kurtsoan haritutako ikasleari sari berezia

Saritutako artistek artelana sinatu beharko dute.

 

10.- AUKERATUTAKO ETA SARITUTAKO LANEN ERAKUSKETA

Bilboko Berreginen Museoak beretzat gordetzen du aukeratutako eta saritutako artelanen erakusketa antolatzeko eskubidea –aukeratutako artelanak ezin izango dira 25 baino gehiago izan–. Erakusketa Museoaren egoitzan egingo litzateke, lehiaketaren arduradunek zehaztutako datan. Dena dela, urte hau amaitu baino lehen egingo litzateke erakusketa.

Museoak beretzat gordetzen ditu aukeratutako eta saritutako artelanak erakusteko, era grafikoan erreproduzitzeko eta argitaratzeko eskubideak. Beraz, beretzat gordetzen du aukeratutako eta saritutako artelanekin katalogo bat egiteko eskubidea.

Antolatzaileek artelanak zainduko ditu bere babesean dauden bitartean, baina ez du ardurarik hartuko artelanek kalteren bat jasotzen badute.

Saria ez duten aukeratutako artelanen egileei esango zaie noiz etorri artelanak jaso ditzaten; dena dela, erakusketa amaitu eta hurrengo astean izango da. Saritutako artelanak Berreginen Museoarenak izango dira.

 

11.- ANTOLAKUNTZA

Epaimahaiak oinarri horiek interpretatzeko ardura izango du, baita oinarrietan ezarri ez den gorabeheraren bat ebazteko ere.

Era berean, Bilboko Berreginen Museoak, Lehiaketaren antolatzaileak hain zuen, beretzat gordetzen ditu oinarri horiek aldatzeko edo oinarrietan arautu gabe dauden ekimenei ekiteko eskubideak, betiere horrela lehiaketa arrakastatsuagoa bada.

Lehiaketan parte hartze hutsak oinarriak onartzea dakar.

Bilboko Berreginen Museoak talentuz beteko ditu Bilbo Zaharreko kaleak, Manuel Balsa “El Ruso” Aire Libreko VIII. Akuarela Lehiaketarekin

Ostirala, 13 Maiatza 2016 13:40

Bidea: Gaurkotasuna > Ekitaldiak

Bilboko Berreginen Museoak Manuel Balsa “El Ruso” Aire Libreko VIII. Akuarela Lehiaketa antolatu du. Bertan, pintura maite duten pertsona interesdun guztiek hartu ahal izango dute parte: haurrek zein helduek.

 

Aurten, lehiaketaren helburua da “Bilbo Zaharreko eta San Frantziskoko hiri-paisaia” eta bertako eraikin, plaza, parke eta bazterrak ondoen islatzen dituen obra aurkitzea. Horretarako, parte-hartzaileek beren trebetasun tekniko eta artistiko guztiak erabili ahal izango dituzte, lehiaketaren gune izango den hiri-inguruari buruzko gaiari lotuta, betiere.

 

Ekainaren 1etik 3ra bitartean (egun biak barne) eman ahal izango da izena, Bilboko Berreginen Museoaren bi egoitzetan: Mirasol Kondearen kaleko 2. zenbakian, asteartetik ostiralera, 10:00etatik 13:30era eta 16:00etatik 18:00etara; eta San Frantzisko kaleko 14. zenbakian, asteartetik larunbatera, 10:00etatik 13:30era eta 16:00etatik 19:00etara. Era berean, lehiaketaren egunean bertan (ekainaren 4an) ere eman ahal izango da izena, Bilboko Berreginen Museoan, 08:30etik 10:00etara.

 

Euskarria (taula eta akuarela-papera) 08:30etik 10:00etara bitartean zigilatuko da, San Frantzisko kaleko 14. zenbakian.

 

Zenbait sari egongo dira: Manuel Balsa “El Ruso” 1. saria: 1.000 €

                                        Manuel Balsa “El Ruso” 2. saria:   500 €

                                        Manuel Balsa “El Ruso” 3. saria:   250 €

                                        Umeen sari berezia

                                        Berreginen Museoko marrazketa-ikastaroko ikasleen sari berezia.

 

Pintura maite duten guztiak animatzen ditugu jendetsua izatea nahiko genukeen ekitaldi honetan parte hartzera.

Informazio gehiago nahi izanez gero, lehiaketaren oinarriak Museoaren webgunean kontsultatu ditzakezue.

 

Eta motorrak berotzeko, egun bat lehenago, ekainaren 3an, Julia Morkechok akuarela-masterclass bat eskainiko du. Hitzordua Museoan izango da, 18:00etatik 20:00etara. Teknika honen zaleek akuarelari buruz gehiago ikasteko behar diren ezagutzak aurkituko dituzte jardunaldian zehar.

 

_____________________________________________________________________________

 

LEHIAKETA

•           Eguna: larunbata, maiatza 4

•           Ordua: 8.30etatik 13.30etara

•           Izen-emate aurretik

             San Francisco,14: 946790255

BilbaoHistoriko-k gogo handiz Bilbo Zaharra eta San Frantziskoko Merkatura gonbidatzen zaitu larunbat honetan, maiatzaren 14an, eguerdiko 13:00etan!

Azteazkena, 11 Maiatza 2016 11:15

Bidea: Gaurkotasuna > Ekitaldiak

Ohikoa denez, BilbaoHistoriko presente egongo da San  Frantzisko, Bilbo Zaharra eta Zabalako Enpresa eta Merkatari  Elkarteak, burutuko duen Bilbo Zaharra  Merkatuan,  Mariaren Bihotz Enparantzan, hurrengo larunbatan, maiatzaren 14an goizeko 10.00etatik 15:00etara arte.

 

BilbaoHistoriko–tik, eta San Frantzisko, Bilbo Zaharra eta Zabalako Enpresa eta Merkatari Elkarteak, goiz atseginaz gozatzera gonbidatu nahi zaitugu pertsonalki, TALOtoki zein 60 eskulan, zaharkin, liburu, diska eta abarretako salmenta-postu baino  gehiago ikusten! Guzti hori, Batukada Bitxo do Samba, Sanfran Korue  eta Dj batzuren musikarekin, enparantza, San Frantzisko kalea eta inguruak girotuta.

 

Aurten, “ART Market” jarduera izango dugu, artelanak merkatuko prezioekin Bilboko Berreginen Museoaren barruan. Jardunaldi osoan zehar museoak bere ateak irekiak izango ditu eta sarrera doakoa izango da, eta bertan arte azoka txiki bat aurkituko dugu erakusgai egongo diren artelanak, ilustrazioak, argazkiak, margoak eta abar artistengandik zuzenean erosteko prest.
BilbaoHistorikoren postutan eguerdiko 13.00tan itxaroten zaitugu, gure lagunekin tartetxo gozo bat pasatzeko.

 

Ekintza hauetaz zurekin gozatzea espero dugu, Animatu, zatoz larunbat honetan Bilbo Zaharra Merkatura!!!

“Kevin McClouden Grand Tour ibilbidea” dokumental-hitzaldi zikloa

Azteazkena, 11 Maiatza 2016 10:46

Bidea: Gaurkotasuna > Ekitaldiak

Museoak Mariaren Bihotza elizan bete dituen 10 urteak ospatzeko asmoz 2016rako programatutako jardueren barruan

 

Bidaiaren azken etapan, McCLoudek Greziara bidaiatu zuen, James Stuart britainiar arkitekto eta arkeologoaren eta Nocholas Revelt arkitekto amateurraren (Atenasko aurriei buruzko “Athenian” liburuagatik ezaguna) arrastoei jarraiki.

 

12-05-2016

18:00 h.

FacebookTwitterDiggDeliciousGoogle BookmarksRedditLinkedinRSS FeedPinterest