MNE 2017: Eta eguna aste bihurtu zen… 6.000 parte-hartzaile baino gehiagorekin

Euskal Museoak eta Berreginen Museoak egun horren inguruan antolatutako jardueren arrakasta ospatu dute

2017ko maiatzaren 18an ospatu zen, urtero bezala, Museoen Nazioarteko Eguna. Euskal Museoak eta Berreginen Museoak ez zuten hutsik egin, eta zenbait jarduera antolatu zituzten aste osoan zehar egiteko. Bisita gidatu bereziak, artelanen deskontestualizazioaz hitz egiteko; Gerra Karlistak Bilbon nolakoak izan ziren azaltzeko hitzaldiak, eta Gernikako bonbardaketari buruzko zinema-zikloaren amaiera (300 ikusle bildu dira guztira, 4 saioetan); horiek guztiek festa-egun hori aste berezi bihurtu dute Bilboko bi erakundeetan. 6.000 pertsonak baino gehiagok gozatu dituzte egun horiek, eta hori oso datu pozgarria da bi museoentzat. Gainera, maiatzaren 20an, zapatuan, Euskal Museoak ateak ireki zizkion Musikal17ri, eta ekitaldian museoaren klaustroa eta halla bete ziren. 4.000 ikusletik gora egon ziren Euskadiko hainbat musika-eskolatako ikasleak ikusten. Edizio honen arrakasta ikusi ondoren, bi museoak berriz ere lanean hasi dira, datorren urtean ere bisitariek horrelako beste aste zoragarri batez gozatu ahal izan dezaten.

FacebookTwitterDiggDeliciousGoogle BookmarksRedditLinkedinRSS FeedPinterest