Gaurkotasuna

Berreginen Museoak eskaintzen dizkizuen jarduera eta ekitaldiei buruz informa zaitez.

Berriak

Swingez betetako igandea berriz ere Bilboko Berreginen Museoan (Datorren igandean, abenduaren 9an)

Astelehena, 03 Abendua 2018 10:04

Bidea: Gaurkotasuna

Datorren igandean, abenduaren 9an, Bizkaiko erakundeak hirirako plan paregabe bat eskainiko dizu: artelanen artean dantza egitea, Swing Museoan! ekimen jada finkatuaren baitan.

 

Berreginen Museoak asteburua dagoen erarik onenean igarotzeko aukera eskaintzen dizu: arte klasikoa, dantza eta musika nahastuta.Swing Museoan! arrakastatsua, museoaren eskaintza nagusietako bat, igande honetan dator bueltan, energia berrituta eta dibertsio handiz. Hileko bigarren igandeetan, 11:30etik 13:30era bitartean, Bilboko erakundea dantza-pista handi bihurtzen da, nahi duten guztiek musikaren erritmoan gozatu ahal izateko. Jarduera hau Museoak eta Swing Side Bilbao elkarteak antolatzen dute; doakoa da, eta bertaratzen direnek aipatutako dantza-modalitateaz gozatzeko aukera dute, leku paregabe batean: eskulturen artean.

 

Hainbat denboralditan arrakasta izugarria lortu ondoren, Swing Museoan! Bilboko jarduera arrakastatsuenetako bat da dagoeneko.Gero eta dantzari gehiago etortzen dira swingaz gozatzera Mariaren Bihotza eliza izandakora (San Frantzisko 14), bertan baitago Hiribilduko Berreginen Museoa. Ameriketako Estatu Batuetan sortu zen genero musikal hau 1920an, baina gero eta ezagunagoa da.

 

XX. mende hasierakoak badira ere, swingetik datozen dantzak bizi-bizi daude.Ez da dantza hutsa: komunitate bat dago horren atzean, eta oso osagai sozial zabala, jendea musikaren eta dantzaren bitartez komunikatzen baita eta dantzariek uneak partekatzen baitituzte horrela.

 

Swing Museoan!ekimena dantza egiteko eta swing musika sustatzeko etorri da, baina baita dantza bere habitatetik ateratzeko eta testuingurutik kanpora jartzeko ere. Kalera eramateko, edo, kasu honetan, museo batera: jendeak, arteak, musikak eta dantzak bat egiten duten lekura.

 

Swinga ingurune paregabe batean dantzatzeko gogorik bai?Ez ezazu galdu Swing Museoan!Parekorik ez duen plana Bilbon.

“Bapo Bapo” haurrentzako Gabonetako tailerra Euskal Museora, Berreginen Museora eta Mariaren Bihotza Plazako Aztarnategira heldu da

Osteguna, 29 Azaroa 2018 09:07

Bidea: Gaurkotasuna

Abenduaren 26an, 27an eta 28an, Bizkaiko erakunde hauek gaztetxoei zuzendutako jardueraz beteko dira 10:00etatik 13:30era bitartean.

 

6 eta 10 urte bitarteko gazte guztiek parte hartu ahal izango dute.

 

Tailerraren prezioa honakoa izango da: 3 € haurreko eta eguneko

 

Beharrezkoa da aldez aurretik izena ematea 94 415 02 31 telefono-zenbakian

 

Tailerreko jarduera (eta sorpresa) guztien egitarau osoa laster emango da ezagutzera bi museoen webgunean

 

Euskal Museoak eta Bilboko Berreginen Museoak (eta, aurten, baita Mariaren Bihotza Plazako Aztarnategiak ere) haurrentzako Gabonetako tailer arrakastatsua antolatu dute berriro.Oraingoan, “Bapo Bapo” da jardueraren izena, eta 6 eta 10 urte bitarteko haurrei dago zuzenduta.

 

-          Abenduak 6 (Berreginen Museoa). Hiru osagai nagusi

-          Abenduak 27 (Aztarnategia). Komentuko ortutik

-          Abenduak 28 (Euskal Museoa). Artoa edonon

 

Egun hauetan, zenbait jardueratan parte hartuz dibertitu ahal izango dira etxeko gaztetxoak. Lehen eguna dieta mediterraneoari buruzkoa izango da, eta antzinako Grezian jaten zena ezagutzeko aukera egongo da. Tailer gastronomiko bat egingo da, eta antzinako errezeta mediterraneo batean oinarrituko gara.

 

Bigarren egunak Bizkaiko (eta, oro har, Euskadiko) elikadura izango du ardatz, komentuko ortuaren bidez. Tailer baten bidez (Erdi Aroko Erosketak), egunero kontsumitzen ziren produktuak bereizten ikasiko du, egungoekin alderatuta eta garai hartan jaten zirenak eta jaten ez zirenak nabarmenduz (azken horiek geroago etorri ziren Amerikatik). Amaitzeko, tailer bat egingo da, non belar usaintsu bat landatuko den (segur aski, perrexila, belar klasikoetariko bat zelako eta delako).

 

Azken eguna sorpresa batekin hasiko da (inuzenteen eguneko txotxongiloak egingo dira). Ondoren, Euskadiko oinarrizko produktu bati buruz, hau da, artoari buruz hitz egingo da, eta, gaur egun oso ohikoak diren beste jaki askorekin batera, Amerikatik iritsi zela azalduko da. Euskal Museora egingo den bisitan, garraioaren eta kontserbazioaren gaia landuko da. Eta, amaitzeko, talo-tailer bat egingo da, merienda handi moduan.

 

Tailerra abenduaren 26an, 27an eta 28an egingo da, 10:00etatik 13:30era, eta parte hartzeko, beharrezkoa izango da aldez aurretik izena ematea 94 415 02 31 telefono-zenbakian. Prezioa 3 € izango da haurreko eta eguneko, eta gehienez 10 lagun egongo dira talde bakoitzeko.

 

Tailerrak dituen jarduera eta sorpresa guztiak laster azalduko dira Euskal Museoaren eta Bilboko Berreginen Museoaren webgunean argitaratuko den egitarau osoan.

 

Tailerrari buruzko informazio zehatza hemen topatuko duzu:

www.euskal-museoa.eusywww.bilbokoberreginenmuseoa.eus

 

Nork eman nahi du izena haurrentzako Gabonetako tailer dibertigarri honetan? Etxeko gaztetxoek Gabonez gozatzeko jarduera dugu honakoa

Anima zaitez, eta gozatu Gabonez Museoan!

 

Oinarrizko informazioa

 

Bapo Bapo haurrentzako Gabonetako tailerra

Eguna: 2018ko abenduaren 26, 27 eta 28a (egun soltetan joateko aukera dago, baina hobe da hiru egunetan izena ematea)

Ordua: 10:00etatik 13:30era

Lekua: Beti geratuko gara Berreginen Museoan (San Frantzisko kalea 14)

Prezioa: 3 € haurra/eguna

Hizkuntza: Euskara

Aldez aurretik izena emateko: 94 415 02 31

Ospatu Euskaraldia Berreginen Museoan

Astelehena, 26 Azaroa 2018 14:13

Bidea: Gaurkotasuna

Bizkaiko erakundera Euskaraldiko txapa jantzita etortzen diren guztiek doako sarrera bat lortuko dute

 

Euskaraldia abian da. Berreginen Museoak bat egin du ekimen horrekin, eta parte-hartzaile guztiei sarrera bana oparituko die.Euskaraldiaren 11 egunetan zehar, Berreginen Museora Ahobizi edo Belarriprest txapa soinean dutela datozen bisitariak doan sartu ahal izango dira museoaren bildumaz gozatzera.

 

Gogoratu, Euskaraldiaren helburua euskararen erabilera sustatzea da; hartara, euskara erabiltzea proposatzen du, 11 egunetan, gure hizkuntza-ohiturak aldatzeko.

 

Informazio gehiago behar baduzu edo izena eman nahi izanez gero, hona jo dezakezu: www.euskaraldia.eus

 

Ez izan zalantzarik, eta eman hegoak euskarari!

Diana Versaillesekoa izango da protagonista azaroan, Berreginen Museoaren “Artelana bere testuinguruan” zikloan

Osteguna, 22 Azaroa 2018 09:23

Bidea: Gaurkotasuna

Lehen aldiz aztertuko da saio honetarako aukeratutako pieza hitzaldi honetan

Bizkaiko erakundeak Paulo IV.ak Enrike II.ari oparitu zion estatuari buruz hitz egingo du ziklo arrakastatsuaren saio honetan.Hitzaldi eta bisita baten bitartez (azaroaren 29an, osteguna, 18:00etan, doako sarrera), lanaren erreferentzia artistiko eta historikoak aztertuko dira

 

Ostegunean, hilak 29, hitzaldian obra gonbidatua oso berezia izango da: Diana Versaillesekoa.Mota honetako jarduerei esker, Bilboko Berreginen Museoko bilduman dauden piezak hobeto ezagutu ditzakegu.Hitzaldia, doakoa, 18:00etan hasiko da.

 

Oraingo honetan, Museoko teknikaria eta hitzaldiaren arduraduna den Itziar Martijak artelan hori hartuko du hizpide; nahiz eta urteetan uste izan zen Frantziara Frantzisko I.aren erregealdian iritsi zela, 1987an argitara ateratako dokumentazioari esker, jakin da estatua Paulo IV.ak Enrike II.ari egindako opari bat izan zela.Antza denez, aita santuak, beraren iloba Carlo Carafa kardinal ezagunaren bitartez, Frantziako gorteari helarazi zion opari diplomatikoa izan zen.

 

Frantziar gortera iritsi zenean, Frantziako monarken eskuetara iritsi zen lehen antigoaleko pieza garrantzitsua zen hura Fontainebleau jauregiko Erreginaren lorategian jarri zen, ohitura errenazentistari jarraituz, estatuak lorategiak apaintzeko erabiltzen baitzituzten.Irudi bikain bat, jainkosa ehiztariarena, jatorriz ehiza pabilioi izan zen jauregi bat apaintzeko.Badirudi, lorategian, haren ondoan, Frantziskoren garaian egin ziren brontze urtuko erreprodukzio batzuk egon zirela. Erromako Cortile del Belvederen zeuden antigoaleko piezetatik abiatuta egin ziren, eta Erregeak Fontainebleaura eramanarazi zituen.Edonola ere, Diana izan zen erdiko espazioa okupatzeko aukeratutakoa, ohorezko eta lehentasunezko posizioa, beraz.

 

XVII. mendearen hasieran, Diana Louvrera eraman zuten.Lehenengoz, berariazko toki bat diseinatu zen monarkiaren artelan bildumak publikoari erakusteko, eta Dianak leku nabarmena izan behar zuen bertan.Gero, 1666an, estatua Tuileriak jauregira eraman zen, eta urte batzuk geroago, azkenean, Versaillesera eraman zen, izena emango zion jauregira, alegia.

 

Ez dakigu askorik estatua frantziar gortera iritsi baino lehenagoko egoeraz.Dena dela, horri buruz hitz egiterakoan –XVII. mendeaz geroztik– errepikatzen den ideia da Apolo Belvederekoarekin duen lotura.Denbora luzez pentsatu izan da bikotea osatzen zutela, eta bikote gisa sortu zituztela.XIX. mendera arte inork ez zuen pentsatu bietako bat ere Greziako originala izan zitekeenik, eta hala da.

 

Jarduera hau osatzeko, eskultura zuzenean ikusteko aukera emango duen bisita bat egingo da.Zikloa, dagoeneko, Museoaren programazioan erreferente bihurtu da, bere alderdi pedagogikoan eta kulturalean finkatuz.Bilboko Berreginen Museoa 2006ko azaroan ireki zen berriz Mariaren Bihotza eliza izandakoaren egoitzan, eta Bizkaiko hiriburuko zaharrenetakoa da.Orain dela 80 urte sortua, bere generoan onenetakoa da, ikusgai dituen kopien aukeraketa eta kalitateagatik.

 

Ez galdu 2018ko azken Artelana bere testuinguruan saioa!

 

“ARTELANA BERE TESTUINGURUAN” ZIKLOA

•           Eguna:2018ko azaroaren 29a, osteguna

•           Ordua:18:00etan

•           Lekua:Bilboko Berreginen Museoa

•           Sarrera libre; aurrez erreserbatzeko beharrik ez

 

Museoaren ordutegia:

•           Asteartetik larunbatera, 10:00etatik 13:30era eta 16:00etatik 19:00etara

•           Igandeetan:10:00etatik 14:00etara

•           Astelehen eta jaiegunetan:itxita

Berreginen Museoa itxita egongo da ostiralean, azaroaren 23an

Azteazkena, 21 Azaroa 2018 11:16

Bidea: Gaurkotasuna

Bizkaiko erakundea itxita egongo da ordu batzuez, Munduko Medikuak erakundeak antolatuta, San Frantzisko auzoan egingo diren Esku-hartze komunitarioei buruzko jardunaldiak direla-eta.

 

Bilboko Berreginen Museoak jakinarazi nahi du Museoa itxita egongo dela 2018ko azaroaren 23an (ostirala), Munduko Medikuak erakundeak antolatutako jardunaldi batzuk direla-eta;hain zuzen ere, San Frantzisko auzoko Esku-hartze integral eta komunitarioari buruzko II. jardunaldiak.Jardunaldi horietan iaz egin zen ikerketaren emaitzak jakinaraziko dira; azterketa horretan, 2014an proiektua abiatu zenetik izan duen ibilbidea landu da.

 

Era berean, auzoko zenbait elkarteren standak egongo dira, informazioa emateko.

 

Jardunaldia amaitzeko, hausnarketa egingo da taldeetan, eta hausnarketako ideiak elkarbanatuko dira.

 

Barkatu eragozpenak.

 

Bilboko Berreginen Museoa

Fair Saturday jaialdiak koru, musika eta jarduera ikusgarriz beteko ditu Bilboko Berreginen Museoa eta Euskal Museoa

Astelehena, 19 Azaroa 2018 12:11

Bidea: Gaurkotasuna

Jaialdi ospetsu honek Bizkaiko Foru Aldundiaren eta Bilboko Udalaren laguntza dauka, eta mundu osoan zehar azaroan egiten den mobilizazio kulturala da.

 

Fair Saturday jaialdiaren helburuak solidarioak dira; azaroaren 23an Euskal Museoan egingo da, 20:00etan, eta azaroaren 24an, Berreginen Museoan, 11:30etik aurrera.

 

Sarrera dohaintza bidez ordainduko da Euskal Museoan, eta Arnasa elkarteari laguntzeko erabiliko da. Berreginen Museoan zenbait jarduera doan izango dira, beste zenbait dohaintza bidez ordaintzekoak eta beste batzuk sarrerak salduta. Bildutako dirua gizarte-proiektuetarako erabiliko da.

 

Euskal Museoak euskal koruen hautaketa ikusgarria eskainiko du, eta klaustroan abestuko dute.Bere aldetik, Berreginen Museoak egun osoko egitaraua izango du, musika eta jarduerak uztartuta, eta ikuskizun harrigarriekin.

 

Informazio guztia, hemen: www.fairsaturday.org

 

Bilboko Berreginen Museoak eta Euskal Museoak bat egingo dute aurten Fair Saturday elkartasun jaialdiarekin. Ekitaldia gizartean eragina duen mobilizazio kulturala da, eta azaroan egiten da. Mundu osoko artistak eta kultur erakundeak jaialdi global batean biltzen dira, baldintza bakar batekin: gizarte-proiektu bati laguntzea, eskainitako ekitaldiaren sarreren salmentarekin bildutako dirua dohaintzan emanez.

 

Horregatik, Euskal Museoak euskal koruen hautaketa ikusgarria eskainiko du azaroaren 23an, 20:00etatik aurrera. Garaizarko Matsorriak, Coro Club Deportivo Bilbao eta SanFran Korue arduratuko dira Bizkaiko erakundearen klaustroa musikaz betetzeaz. Ken Zazpi, S. Jaroff edota L. Cohenen bertsioak entzun ahalko dira. Sarrera dohaintza bat izango da, eta bildutako dirua Arnasa elkarteari emango zaio.

 

Bere aldetik, Bilboko Berreginen Museoak ateak zabalduko dizkio Fair Saturday jaialdiari, beste urte batez, azaroaren 24ko egun osoan, tailerrak, musika edo emanaldi harrigarriak eskainita.

 

Horrenbestez, hauxe izango da Bilboko San Frantzisko auzoan dagoen Bizkaiko erakundearen egitaraua:

-          11:30 Opera, piano eta abestien eflubioa. (Sarrera dohaintza bat izango da. Bildutako diruarekin lagunduko den gizarte-proiektua: "Barreras invisibles” –“Hesi ikusezinak”–).

-          12:30 Bizkaiko Ingeniarien Korua (Sarrera doan. Bildutako diruarekin lagunduko den gizarte-proiektua: Fibrosi Kistikoaren Elkartea).

-          16:00 Irauli ezazu zure sormena. Tailerra (Sarrerak salgai: 10 €. https://www.eventbrite.es/e/entradas-revoluciona-tu-poder-creativo-51522775007).Bildutako diruarekin lagunduko den gizarte-proiektua: Animarte).

-          17:30 “Togo eta bere aniztasuna ezagutzen”. Musika instrumentuak, Togoko arte aniztasuna eta perkusioko tailerra erakusten duen espazioa. (Sarrerak salgai: 10 €. Bildutako diruarekin lagunduko den gizarte-proiektua: Novisi Elkartea).

 

Kulturaz gozatzeko eta besteei laguntzeko modu paregabea da.

 

Prest al zaude Museoan Fair Saturday jaialdiaz gozatzeko?

 

Gozatu ezazu kulturaz ingurune paregabe batean!

Erakusketa berri bat zabalduko du Bilboko Berreginen Museoak, eta, lehen aldiz, bi tokitan banatuko du

Osteguna, 15 Azaroa 2018 13:21

Bidea: Gaurkotasuna

Arkeologi Museoarekin eta Euskal Museoarekin elkarlanean ekoitzi du Plazaren bihotzean. El tesoro de San Francisco

Aurkezpenean izan dira Andoni Iturbe, Bizkaiko Foru Aldundiko Kultura zuzendaria, eta Nekane Alonso, Bilboko Udaleko Kultura zinegotzia

Erakusketa honetan, bost mendeko historia duen aztarnategia izango dugu ikusgai, eta, horrez gainera, indusketetan aurkitu diren piezak erakutsiko dira, hala nola komentuko elizako ehorzketa-objektuak eta kuarteleko objektuak

Erakusketa hau bi egoitzatan erakutsiko da: Berreginen Museoan eta Mariaren Bihotza plazako Aztarnategian

2018ko azaroaren 15etik 2019ko maiatzaren 26ra egingo du erakusketa Bizkaiko erakundeak

 

Bilboko Berreginen Museoak aldi baterako erakusketa berritzaile bat aurkeztu du; izan ere, Plazaren bihotzean. El tesoro de San Francisco bi egoitzatan erakutsiko da, estreinako aldiz. Batetik, Mariaren Bihotza plazako Aztarnategian, Bilboko San Frantzisko auzoan. Bizkaiko instituzioak kudeatzen du gune hori, 2016ko maiatzaren 2an ireki zenetik. Toki magikoa dugu, XV. mendera eramaten baikaitu, eta, hain zuzen ere, mende horri buruzkoak deskubrituko dituzte ikusleek erakusketa honi esker. Bestalde, Berreginen Museoan bertan erakutsiko dira aztarnategia induskatzeko lanetan aurkitu diren zenbait objektu. Gainera, toki horri eta gaur egungo Bilbori buruzko estanpak, grabatuak eta objektuak erakutsiko dira.

 

Aipa dezagun, labur-labur, Aztarnategiaren ibilbidea. 2000. urtean, Bilboko Udalak, Bilbo Zaharra, San Frantzisko eta Zabala auzoak eraberritzeko planaren barruan, zenbait esku-hartze egin nahi zituen Mariaren Bihotza plazan. Besteak beste, lurraren azpian parking bat eraikitzeko plana zerabilten buruan. Edonola ere, ustezko arkeologia eremua zen hura. Agiri zaharren arabera, bi eraikin historiko egon ziren han: lehenik, San Frantziskoren komentua, eta, ondoren, Alfontso printzearen kuartela. Hori dela-eta, 2005. urtean, lanei ekin aurretik, Foru Aldundiko eta Udaleko arduradunek gunea miatzea erabaki zuten, egoera hobeto ezagutze aldera. Zenbait ikerketa egin ostean, gaur egun ikusgai ditugun aztarna arkeologikoak aurkitu zituzten.

 

Mariaren Bihotza plazako Aztarnategia izan dadila erakusketaren diskurtsoaren ardatz nagusia, hala nahi du Bizkaiko instituzioak. Diskurtso hori elkarlanean ekoitzi da, Arkeologi Museoarekin eta Euskal Museoarekin batera, eta erakusketa 2018ko azaroaren 15etik 2019ko maiatzaren 26ra egongo da ikusgai.

 

Alfontso printzearen kuartelaren (1861-1929) aztarnak erakutsiko dira. Indusketa-lanei esker, kuartelaren atzealdea ikusteko aukera izango dugu, eta argitara aterako dira, orobat, eraikin erantsien parte ziren zenbait egitura, gaur egun Mirasol Kondearen kalera ematen dutenak. Azpimarragarria da kuarteleko putzua; Komentuko Klaustro zaharraren erdian dago, gutxi gorabehera. Kuartela zen haren jabe, ez monastegia, baina, seguru asko, kuartelaren lehen urteetan eraiki zuten, eta, litekeena da, militarrek, ahal zen heinean, aurrez fraileek egindako zulaketa baliatu izana.

 

San Frantzisko komentuan bizi ziren fraileen aztarnak ere bildu dira erakusketa honetan. Bizkaiko eraikin erlijioso guztiz garrantzitsuetako bat dugu komentua. Ondorioz, hiriko familia askok hori aukeratu zuten beren gorpuak ehorzteko, eta bertan eraiki zituzten beren kaperak. Hainbat eskola irakasten ziren komentuan: filosofia, latina eta teologia. Gaur egundaino gorde diren komentuaren aztarnen artean, elizaren aztarnak dira denetan zaharrenak, XV. mendearen amaieran eraiki zen-eta. Elizak nabe bakarra zuen, 13 metro luze zituen, eta bosna kapera zituen erdiko espazioaren bi aldeetan. Aldare nagusitik gertuen dagoen kaperan, Arbolantxa familia hobiratu zuten, Frantziskotarren ongile nagusia, eta haien parean, Epistolan, Arbieto familia ehortzi zuten.

 

Klaustroa dugu komentuko beste gune azpimarragarri bat: XVII. mendearen erdialdean eraiki zuten, eta, gaur egun ere, ederki nabarmentzen da aztarnategian. Komentua bera XV. mendearen amaieran eraiki zen, eta izango zuen klaustroren bat, toki berean beharbada, baina bi mende beranduago eraberritu zuten. Lehen klaustroak itxura gotikoa zuen; eraberritze-lanetan, ordea, garaiko kutsu klasizista gehitu zioten, eta osorik berrantolatu zuten espazioa. Hala, lau lorategitan banatu zuten patioa, eta erdiko gurutzean ur-zulo txiki bat ipini. Lorategiaren perimetroak ikusgai daude oraindik ere.

 

Plazaren bihotzean. El tesoro de San Francisco erakusketan, gainera, gertutik ikusiko ditugu aztarnategian aurkitu diren zenbait aztarna arkitektoniko. Adibidez, aldi baterako erakusketan erakutsiko dira bere garaian klaustroa eta eliza apaintzeko erabilitako harlanduak. Besteak beste, halakoak erakutsiko dira: kapitelak, letra gotikoen inskripzioak gordetzen dituzten aztarna epigrafikoak (adibidez, pieza bateko inskripzioan hauxe jartzen du: “…MUR…T…”), eta urre eta pigmentu gorrien arrastoak gorde dituzten adreiluak eta bestelako dekorazio-elementuak.

 

Azkenik, hirugarrendarren aretoa ikusteko aukera izango da, Frantziskotarren Hirugarrendarren Ordenako kideen aretoa, zeina 1614an sortu baitzen komentuan. Ikusgai daude, orobat, atezaindegia eta simaurtegia.

 

Bilboko Berreginen Museoan erakutsiko da erakusketaren bigarren zatia, eta museoan bertan eros daiteke hori ikusteko sarrera. Museoan, pieza berezi eta historiaz beteak erakutsiko dira. Adibidez, hantxe egongo da 20 eta 40 urte bitarteko emakume baten burezurra. Elizan aurkitu diren giza gorpuzkien artean, horixe da ondo gorde den bakanetako bat. Guztira, 108 hilobi aurkitu dira elizaren barruan, baina gorpuzkiak askoz gutxiago dira; izan ere, lurraren osaketak hezurrak hondatu ditu. Hilobi batzuk lau aldiz erabili ziren, eta, ohiturak hala aginduta, burua ekialderantz zutela lurperatu zituzten hildakoak, zerura begira. Gehienek, gainera, bularraren edo pelbisaren gainean zeuzkaten besoak, gurutzaturik. Burezurraren ondoan ipintzen zitzaizkien hilobiratze-hatuak: lepokoak, eskumuturrekoak, gurutzeak eta errosarioak.

 

Bestalde, Berreginen Museoan erakutsiko dira, orobat, indusketa-lanetan aurkitu diren beste zenbait pieza, kuartelari dagozkionak, adibidez, granada bat, berunezko munizioa eta berunezko zigilu bat, zeinak inskripzioak baititu bi aldetan: “artilleria” eta “piroteknia militarra”, horixe diote.

 

Azkenik, bestelako piezak ere bilduko dira Museoan: txanponak, Felipe II.aren garaikoak, Iruñean eginak 1561 eta 1574 bitartean; XIX. eta XX. mendeko beirazko botilak, garaian botikak gordetzeko erabiltzen zirenak, eta bestelako zeramika-pusketak, garaian garaiko eguneroko bizitzaren erakusgarri.

 

Plazaren bihotzean. El tesoro de San Francisco: horra hor bere garaian Bilboko eta Bizkaiko toki guztiz enblematiko bat izandakoaren isla. Horra hor hainbat urtez ezkutuan egondako aztarnategia ezagutzeko aukera, bisitarien eskura.

Bilboko Berreginen Museoak 12 urte beteko ditu, eta ospakizun gisa, Mariaren Bihotza plazako aztarnategia kandelekin soilik argiztatuko du

Azteazkena, 14 Azaroa 2018 09:37

Bidea: Gaurkotasuna

Bisita berezi hau azaroaren 21ean izango da, 18:00etan. Mariaren Bihotza plazako aztarnategia ikusi ahal izango da, argiztapen ezohiko baten pean. Aldez aurretik egin beharko da erreserba, 94 415 02 31 telefono zenbakian.

 

Hamabi urte pasatu dira dagoeneko, Bilboko Berreginen Museoa ireki zenetik Mariaren Bihotzaren elizan, 2006ko azaroaren 21ean, Bizkaiko Foru Aldundiaren eta Bilboko Udalaren babesari esker. 12 urte geroago, Bizkaiko erakundea nabarmendu egin da, daukan ekimen nahiz erakusketa jardun bizia dela-eta. Eskultura klasikoen kopiek osatutako erakusketa iraunkorra, aldi baterako erakusketak, “Swing Museoan!” eta “Obra bere testuinguruan” jarduera arrakastatsuak... Horiei esker, Berreginen Museoa kultur erreferentziako tokia bihurtu da. Espazio horretan, alderdi klasikoak (erakundearen ordezkari) bat egin du inguruko kultura aniztasunarekin, hainbat alorretan elkarrekin lan egitea sustatuta.

 

San Frantzisko auzoan eman dituen 12 urteak ospatzeko, Berreginen Museoak bisita berezia antolatu du, “kandelen argipean”. Hitzordua datorren asteazkenean izango da, azaroaren 21ean, 18:00etan, eta aukera emango digu San Frantziskoko antzinako komentuaren zein Alfontso printzearen kuartelaren aztarnak ezagutzeko, kandelekin soilik argiztatuta.Eraikinei buruzko testu garaikideen irakurketekin osatuko da bisita, Itziar Martijaren eskutik.Komentuaren eta kuartelaren historia kontatuko da, haietan ibili zirenen narrazioen bitartez.Parte hartzeko, beharrezkoa izango da aldez aurretik izena ematea, 94 415 02 31 telefono zenbakian.

 

Berreginen Museoaren aurrerapena eta hedapena zor dizkiegu, neurri handi batean, bisitatzera etortzen diren pertsona guztiei.Horregatik, Berreginen Museoak, jarduera honen bitartez, eskerrak eman nahi dizkie azken 12 urte hauetan zentrotik pasatu diren pertsona guztiei.Museoaren berezko erakusketa eta ekintzez gain, ehunka jarduera antolatzen dira bertan; horietariko askok lotura estua dute erakundearen kokalekua den auzoko bizitzarekin.Era berean, San Frantziskon eta Bilbo Zaharrean antolatutako kultur lehiaketa gehienen egoitza izan da eliza: “Bilbo Zaharra, kulturarako zubia” (ekimen horretako jarduerarik jendetsuena “Tattoo Adicts” izan zen), “BAD”, “Zinegoak” eta “Fair Saturday”, adibidez.

 

Bestalde, ekitaldiak hartzeko espazio gisa, Museoak askotariko ekimenak hartu ditu: liburu aurkezpenak, moda desfileak, zinema grabazioak, pintxo aurkezpenak, hitzaldiak eta abar.

 

Oraingoan, kandelen argipean gozatuko dugu pastelaz.

 

“Kandelen argipean” bisitaren fitxa teknikoa:

Eguna:azaroak 21

Ordua:18:00etan

Lekua:Bilboko Berreginen Museoa

Prezioa:Dohainik

Aurretiazko izen-ematea: 94 415 02 31

Swingez betetako igandea berriz ere Bilboko Berreginen Museoan (Datorren igandean, azaroaren 11n)

Astelehena, 05 Azaroa 2018 14:40

Bidea: Gaurkotasuna

Datorren igandean, azaroaren 11n, Bizkaiko erakundeak hirirako plan paregabe bat eskainiko dizu: artelanen artean dantza egitea, Swing Museoan! ekimen jada finkatuaren baitan.

 

Berreginen Museoak asteburua dagoen erarik onenean igarotzeko aukera eskaintzen dizu: arte klasikoa, dantza eta musika nahastuta.Swing Museoan! arrakastatsua, museoaren eskaintza nagusietako bat, igande honetan dator bueltan, energia berrituta eta dibertsio handiz. Hileko bigarren igandeetan, 11:30etik 13:30era bitartean, Bilboko erakundea dantza-pista handi bihurtzen da, nahi duten guztiek musikaren erritmoan gozatu ahal izateko. Jarduera hau Museoak eta Swing Side Bilbao elkarteak antolatzen dute; doakoa da, eta bertaratzen direnek aipatutako dantza-modalitateaz gozatzeko aukera dute, leku paregabe batean: eskulturen artean.

 

Hainbat denboralditan arrakasta izugarria lortu ondoren, Swing Museoan! Bilboko jarduera arrakastatsuenetako bat da dagoeneko.Gero eta dantzari gehiago etortzen dira swingaz gozatzera Mariaren Bihotza eliza izandakora (San Frantzisko 14), bertan baitago Hiribilduko Berreginen Museoa. Ameriketako Estatu Batuetan sortu zen genero musikal hau 1920an, baina gero eta ezagunagoa da.

 

XX. mende hasierakoak badira ere, swingetik datozen dantzak bizi-bizi daude.Ez da dantza hutsa: komunitate bat dago horren atzean, eta oso osagai sozial zabala, jendea musikaren eta dantzaren bitartez komunikatzen baita eta dantzariek uneak partekatzen baitituzte horrela.

 

Swing Museoan!ekimena dantza egiteko eta swing musika sustatzeko etorri da, baina baita dantza bere habitatetik ateratzeko eta testuingurutik kanpora jartzeko ere. Kalera eramateko, edo, kasu honetan, museo batera: jendeak, arteak, musikak eta dantzak bat egiten duten lekura.

 

Swinga ingurune paregabe batean dantzatzeko gogorik bai?Ez ezazu galdu Swing Museoan!Parekorik ez duen plana Bilbon.

Cnidoko Afrodita izango da Berreginen Museoaren “Artelana bere testuinguruan, JEP edizio berezia” protagonista, urrian

Osteguna, 18 Urria 2018 14:42

Bidea: Gaurkotasuna

Oraingo honetan, ekimena Ondarearen Europako Jardunaldien barruan kokatzen da

Bizkaiko erakundeak bere hitzaldi arrakastatsua antolatuko du, arte grekoan biluzik dagoen jainkosa baten monumentuaren lehen eskulturari buruz hitz egiteko. Hitzaldi eta bisita batekin (osteguna, hilak 25, 18:00etan, sarrera doan), bere erreferentzia artistiko eta historikoak aztertuko dira

 

Urriaren 25ean (osteguna), hitzaldiak obra gonbidatu bat izango du, 2018ko Ondarearen Europako Jardunaldiak ospatzeko pentsatuta berariaz, Cnidoko Afrodita, hain zuzen ere. Mota honetako ekimenei esker, Bilboko Berreginen Museoak bere bilduman dituen piezak sakonago ezagutu ditzakegu. Hitzaldia, doakoa, 18:00etan hasiko da.

 

Oraingo honetan, Itziar Martijak, Museoko teknikariak eta hitzaldiaren arduradunak, Praxitelesek K.a. IV. mendean zizelkatu zuen pieza honi buruz hitz egingo du. Arte grekoan biluzik dagoen jainkosa baten monumentuaren lehen eskultura da –Cnidoko Afrodita–, eta bere eragina garrantzi handikoa izan zen, ez soilik arte grekoarentzat, baizik eta mendebaldeko tradizioarentzat, bere osotasunean. Asko izan ziren bere berrikuntzak, eta, guztien artean, batek milurtekoetan zehar iraun behar zuen infinitura arte imitatua eta berriro interpretatua izan zedin, bai sorkuntza paganoetan, bai kristauetan. Cnidoko Afroditaren jarrerari buruz ari gara; bertan, jainkosak, bere biluztasunean harrituta eta sentibera, pubisera eramaten ditu eskuak.

 

Zein izan zitekeen keinuaren esanahia eskultorearen garaian? Zer zentzutan erabili zen, ondoren, kristau munduan? 2018ko Ondarearen Europako Jardunaldien ospakizunaren harira eta Praxitelesek egindako estatua abiapuntu gisa hartuta, “Artelana bere testuinguruan” programak kasto hitza mota honetako irudiak definitzera eraman zuen keinuaren esanahi ezberdinak errepasatuko ditu, eta bera K.a. IV. mendetik gure XXI. mendera arte mendebaldeko artean hedatzen da. Bertaratutakoek lan honen xehetasun guztiak deskubritu ditzakete, hitzaldi entretenitu baten bitartez.

 

Ekimena eskultura modu zuzenean begiratzea uzten duen bisita batekin osatuko da. Zikloa, jada, Museoaren programaren erreferente bihurtu da, bere alderdi pedagogiko eta kulturalean finkatuz. Bilboko Berreginen Museoa, 2006ko azaroan Mariaren Bihotzaren eliza zaharraren gaur egungo egoitzan berriz irekia, Bizkaiko hiriburuko zaharrenetakoa da. Orain dela 80 urte sortua, bere generoan onenetakoa da, ikusgai dituen kopien aukeraketa eta kalitateagatik.

 

“ARTELANA BERE TESTUINGURUAN” ZIKLOA

•           Eguna: osteguna, 2018ko urriaren 25a

•           Ordua: 18:00etan

•           Tokia: Bilboko Berreginen Museoa

•           Sarrera doan; ez da aurrez hitzordua eskatu behar.

 

Museoaren ordutegi orokorra:

•           Asteartetik larunbatera: 10:00etatik 13:30era eta 16:00etatik 19:00etara

•           Igandeetan: 10:00etatik 14:00etara

•           Itxita: astelehen eta jaiegunetan.

FacebookTwitterDiggDeliciousGoogle BookmarksRedditLinkedinRSS FeedPinterest