Manuel Balsa "El Ruso" kanpoko akuarela VI. lehiaketa

Manuel Balsaren perfila

Aurtengo Manuel Balsa "El Ruso" kanpoko akuarela lehiaketa maiatzeren 31an izango da. Aurkezteko eta parte hartzeeko oinarriak jarraian irakurri daitezke.

Oinarriak

1.-Parte-hartzaileak:

Interesa duten guztiek, umeek eta nagusiek parte hartu ahal izango dute.

2.- Izena ematea

Maiatzaren 20tik maiatzaren 30era, biak barne, izena eman daiteke Bilboko Berreginen Museoan, Mirasol Kondearen kalea, 2an duen helbidean, asteartetik ostiralera, 10:00etatik 13:30era eta 16:00etatik 20:00etara edota San Frantzisko kalea 14an duen helbidean, asteartetik larunbatera, 10:00etatik 13:30era, eta 16:00etatik 19:00etara.

Era berean, antolatzaileek aukera emango dute lehiaketaren egunean bertan izena emateko, Bilboko Berreginen Museoan, San Frantzisko kaleko 14an duen helbidean, 8:30etik 10:00etara.

Artista bakoitzari egiaztagarria emango zaio, eta lehiaketaren egunean aurkeztu beharko du.

Ez da izen-ematerik onartuko ezarritako epetik kanpo.

3. Lehiaketa

Lehiaketa 2014ko maiatzaren 31an egingo da, eguraldiak ezinezko ez badu egiten behintzat. Artistek euren artelana egiteko behar duten material guztia ekarri beharko dute, baita astoa ere, epaimahaikideek artelana ikusi eta baloratu dezaten. Parte-hartzaileek artelana egin bitartean sortzen dituzten hondakinak jaso beharko dituzte.

4. Zigilatzea, formatua eta identifikazioa

Euskarriaren mihisea edo taula zuri kolorekoa izango da, bastidorearen gainean. Euskarria 8:30etik 10:00etara zigilatuko da, Bilboko Berreginen Museoan: San Frantzisko kalea, 14. Izena eman duten momentua gorabehera, parte-hartzaile guzti-guztiek euskarria zigilatu beharko dute adierazitako lekuan eta ordutegiaren barruan.

Aldeek gutxienez 50 cm izen beharko dituzte, eta gehienez 116 cm.

Egile bakoitzak artelan bakarra aurkeztu dezake.

5.- Gaia

Gaia Bilbo Zaharreko eta San Frantziskoko hiri paisaia izango da: eraikuntzak, plazak, parkeak, bazterrak… Erabili behar izango den teknika akuarela da.

6.- Artelanak jasotzea

Artelanak 10:00etatik 14:30era jasoko dira. Euskarria zigilatzearekin batera adieraziko zaio artistari artelana zer lekutan eman behar duen. Artelana sinatu gabe aurkeztuko da. Baztertu egingo dira atal hau betetzen ez duten artelanak.

Aukeratu edo saritu ez diren artelanak lehiaketaren egunean bertan jasoko dira: 15:00etik 15:30era, epaimahaikideek ebazpena eman duten lekuan.

7.- Epaimahaiaren akta irakurtzea

Epaimahaiaren Akta Bilboko Berreginen Museoan irakurriko da 15:00ean, lehiaketaren egunean bertan.

8.- Epaimahaia

Epaimahaia osatuko dute: Museoko arduraduna, lehendakari-lana egingo duenak, eta kide hauek: Barrutiaren Lehendakari Zinegotzia edo Udal Batzordean ordezkaritza duten talde politiko bakoitzeko kideek delegatutako pertsona bat, arte plastikoetako aditu bat eta San Frantzisko auzoko elkarteetako kide bat. Epaimahaiaren ebazpena apelaezina izango da.

9.- Sariak

  • Manuel Balsa “El Ruso” 1. saria: 1.000 euro.
  • Manuel Balsa “El Ruso” 2. saria: 500 euro.
  • Manuel Balsa “El Ruso” 3. saria: 250 euro.
  • Umeentzako sari berezia
  • Berreginen Museoko marrazketa kurtsoan haritutako ikasleari sari berezia

Saritutako artistek artelana sinatu beharko dute.

10.- Aukeratutako eta saritutako lanen erakusketa

Bilboko Berreginen Museoak beretzat gordetzen du aukeratutako eta saritutako artelanen erakusketa antolatzeko eskubidea –aukeratutako artelanak ezin izango dira 25 baino gehiago izan–. Erakusketa Museoaren egoitzan egingo litzateke, lehiaketaren arduradunek zehaztutako datan. Dena dela, urte hau amaitu baino lehen egingo litzateke erakusketa.

Museoak beretzat gordetzen ditu aukeratutako eta saritutako artelanak erakusteko, era grafikoan erreproduzitzeko eta argitaratzeko eskubideak. Beraz, beretzat gordetzen du aukeratutako eta saritutako artelanekin katalogo bat egiteko eskubidea.

Antolatzaileek artelanak zainduko ditu bere babesean dauden bitartean, baina ez du ardurarik hartuko artelanek kalteren bat jasotzen badute.

Saria ez duten aukeratutako artelanen egileei esango zaie noiz etorri artelanak jaso ditzaten; dena dela, erakusketa amaitu eta hurrengo astean izango da. Saritutako artelanak Berreginen Museoarenak izango dira.

11.- Antolakuntza

Epaimahaiak oinarri horiek interpretatzeko ardura izango du, baita oinarrietan ezarri ez den gorabeheraren bat ebazteko ere.

Era berean, Bilboko Berreginen Museoak, Lehiaketaren antolatzaileak hain zuen, beretzat gordetzen ditu oinarri horiek aldatzeko edo oinarrietan arautu gabe dauden ekimenei ekiteko eskubideak, betiere horrela lehiaketa arrakastatsuagoa bada.

Lehiaketan parte hartze hutsak oinarriak onartzea dakar.

Informazio gehiagorako

Conde Mirasol 2, 48003 Bilbao

E-mail hau spam roboten kontra babestuta dago. JavaScript aktibatuta izatea behar duzu hau ikusteko.

www.museoreproduccionesbilbao.org

Tlf.:94 415 02 31


Lehiaketaren kartela eta oinarriak deskargatzeko, erabili hurrengo estekak:

FacebookTwitterDiggDeliciousGoogle BookmarksRedditLinkedinRSS FeedPinterest